Бир зумда миллиардлар йўқотган “Coca Cola” Роналдуга жавоб қайтарди

Спорт 50907
image
-

Португалия терма жамоаси сардори Криштиану Роналдунинг Венгрияга қарши ўйин олдидан ўтказилган матбуот анжуманида “Coca Cola” ичимлиги соғлиқ учун зарар, дея четга суриб қўйганидан хабарингиз бор. Айни шу воқеага “Coca Cola” компанияси ўз муносабатини билдирди.

"Ҳар ким турли хил ичимлик ичиш ҳуқуқига эга, кимдадир ичимликка эҳтиёж баландроқ бўлса, кимдадир пастроқ. Ҳамманинг диди ва эҳтиёжлари турлича. Сиз шу ичимликни ичмасангиз, демак ҳамма буни ичмаслиги керак, дегани эмас.

Бир кун олдин турли оммавий ахборот воситалари Роналдунинг имо-ишораси туфайли “Coca Cola” 4 миллиард доллар йўқотганлиги ҳақида маълумот тарқатди, аммо бу ҳақиқатга умуман тўғри келмайди. “Coca Cola” ўз бозорига эга, у барибир севиб истеъмол қилинаверади”, дейди компания ўз баёнотида.

Маълумот учун, Роналду аввал ҳам бир неча бор “Coca Cola” ҳамда “Pepsi” ичимликларни ичмаслигини таъкидлаган ва ўғлига газли ҳар қандай ичимликни ичишни тақиқлаган.

Абдулла Маннонов
Мақолага баҳо беринг
Баҳолаганлар: 4016
Рейтинг: 3
t
×