Бекобод шаҳри ҳокими лавозимидан кетди

Жамият

image
0:00
0:00
download

Бугун, 12 май куни Тошкент вилояти Бекобод шаҳри ҳокими Зафар Файзуллаев ўз лавозимидан кетди. Бу ҳақда унинг ўзи Facebook’даги саҳифасида маълум қилди.

“Ҳурматли ҳамшаҳарлар, дўстлар. Бугун менинг Бекобод шаҳар ҳокими сифатида ваколатим якунига етди.

Бу буюк шаҳарга раҳбар этиб тайинлаганлари учун ҳурматли Президентимиз Шавкат Миромоновичга чексиз ҳурматимни ва миннатдорлигимни билдираман. Шу 5 йил давомида ҳурматли Президентимиз доим ўз меҳрларини Бекобод шаҳрига ва унинг меҳнаткаш аҳолисига билдириб келдилар. Қилинган ишларни санаб чиқсак, қоғозлар том-том бўлиб кетади.

Мен барча бекободликларга ҳурматимни билдириб, уларнинг ҳаётларида омад ва саодат тилайман.

Мен ҳам қўлимдан келганча сизлар билан ишлаб, яшаб, шу ернинг сувини ичиб, ҳавосидан нафас олиб, тузини еб, фаолият кўрсатдим. Барчангизга сиҳат-саломатлик, омад тилайман. Йўл қўйилган камчиликларим учун сизлардан узр сўрайман. Хайр!”, деб ёзган Бекобод шаҳри ҳокими Зафар Файзуллаев.

Тасдиқланмаган маълумотларга кўра, Зафар Файзуллаев Тошкент шаҳар Халқ қабулхонаси мудири лавозимига тайинланиши кутиляпти.


Мақола муаллифи

Теглар

Бекобод

Баҳолаганлар

401

Рейтинг

3.1

Мақолага баҳо беринг

Дўстларингиз билан улашинг