Атамбоевнинг аҳволи оғир. У Путиннинг клиникасида даволанмаса...

Олам

image

Қирғизистоннинг собиқ Президент Алмазбек Атамбоевни Москвада даволаниш учун қўйиб юборишни сўраб, Жазони ижро этиш хизматига ариза юборилган. Бу ҳақда адвокат Замир Жоошев маълум қилди. 

Мурожаатида у Атамбоевга қизилўнгачда конфокал лазерли эндоскопия ва аргон-плазма абласёну зарурлигини, махсус жиҳозлар йўқлиги сабабли Қирғизистонда амалга ошириб бўлмаслигини ёзган. 

“Ушбу операциялар Алмазбек Атамбоев учун 2016 йилда Россия Президенти маъмурияти марказий клиник шифохонасида ўтказилган. Операцияларнинг сабаби қизилўнгачнинг хавфли ва иноперабл ўсмага айланиши билан таҳдид қилувчи, қизилўнгачнинг саратондан олдинги ҳолати – "Барретт қизилўнгач" ташхиси эди. Операциядан сўнг, Атамбоевнинг таъқиб ва ҳибсга олиниши ортидан имконсиз бўлиб қолган касалликнинг қайталанишини истисно қилиш учун ҳар йили текширувдан ўтиш керак”, дейилади ҳужжатда. 

Жоошевнинг қўшимча қилишича, Москвадаги клиника собиқ президентнинг соғлиғи ёмонлашгани сабабли уни текширувга таклиф қилган. 

Атамбоевнинг адвокати зарур тиббий муолажаларни ўтказиш учун ҳимоячисини тўрт ойга озод қилишни сўрамоқда. Жоошевнинг таъкидлашича, операциялардан сўнг Атамбоев “қамоқ муддатини ўташ учун Қирғизистонга қайтади”. 

Алмазбек Атамбоев Молдовановка қишлоғидаги 27-сонли колонияда сақланмоқда. Собиқ Президент криминал авторитет Азиз Батукаевнинг ноқонуний равишда озод этилгани иши бўйича мол-мулки мусодара қилинган ҳолда 11 йилу 2 ойга озодликдан маҳрум этилган. 

Бундан ташқари, суд унга қарши иккита ишни кўриб чиқишда давом этмоқда: 2019 йилдаги Қўй-Тош воқеалари бўйича у бир нечта жиноий ишларни, шунингдек, Атамбоевга мансаб ваколатини суиистеъмол қилишда айбланган 2010 йил июнь воқеалари бўйича ишни бирлаштиради. 

Атамбоевнинг аҳволи

Май ойи охирида Алмазбек Атамбоев Миллий Кардиология марказига ётқизилган эди. 

Аввалроқ собиқ президентнинг адвокатлари уни шифохонага ётқизиш учун бир неча бор рухсат сўрашган. Атамбоев соғлиғи билан боғлиқ муаммолар туфайли бир неча бор суд залидан тез ёрдам машинасида колонияга олиб кетилган. 

Қийноқларнинг олдини олиш миллий маркази хабар беришича, судга мажбуран олиб келингани сабабли собиқ Президентнинг соғлиғи кескин ёмонлашмоқда. 

Атамбоев ҳуқуқ ҳимоячиларига ўтиришга ҳам, туришга ҳам имкон бермаётган бел қисмидаги кучли оғриқ, озгина ҳаракатда ҳаво етишмаслиги, қўл ва оёқларидаги уйқусизликдан шикоят қилган. 

47-сонли колониядаги тиббий ахлоқ тузатиш муассасаси бош шифокори собиқ Президент тўлиқ кўрикдан ўтиши ва даволаниши зарурлигини таъкидлаган. 

Апрель ойида Атамбоев Бишкекдаги 47-колониядан Чуй вилояти Молдовановка қишлоғидаги 27-колонияга кўчирилган эди. Собиқ Президент ва унинг шериклари 2019 йил 8 август куни икки кунлик терговдан сўнг ҳибсга олинган эди.


Мақола муаллифи

Теглар

Алмазбек Атамбоев

Баҳолаганлар

326

Рейтинг

3

Мақолага баҳо беринг

Дўстларингиз билан улашинг