АҚШ ғарбидаги ёнғинда камида 23 киши ҳалок бўлди

Жамият

image

АҚШнинг ғарбий қисмида тарихий ёнғинлар авж олмоқда. Қуруқ ва иссиқ об-ҳаво ёнғиннинг кучайишига сабаб бўляпти. Кучли шамол эса унинг тезда атрофга тарқалишига замин яратмоқда. 

Америка Қўшма Штатларининг ғарбий қисмидаги тарихий ўрмон ёнғинларида ўнлаб одамлар бедарак йўқолган ва камида 23 киши вафот этган деб, тахмин қилинмоқда. Бу ҳақда "The Guardian" маълумот берди. 

Орегон штатидаги Портленд аҳолиси кеча, 11 сентябрь тонгини қуюқ тутун қоплаган тўқ сариқ рангдаги осмон билан қарши олди. Орегон штати губернатори Кейт Брауннинг айтишича, 40 мингдан зиёд орегонлик эвакуация қилинган.

Энг кўп зарар кўрган Калифорния, Орегон ва Вашингтон штатларидаги юзга яқин ўрмон ёнғинлари юқори ҳарорат шароитида рекорд ландшафтларни қамраб олган.

Портленд мэри Тед Уиллер ёнғинда фавқулодда ҳолат эълон қилди, эвакуация марказларини фаоллаштиришга, шаҳарнинг уйсиз аҳолиси учун махсус биноларни яратишга имкон берди. Портленд 11 сентябрь куни ҳаво сифати энг ёмон бўлган шаҳар деб топилган. 

Маълумот учун, АҚШ Президенти Дональд Трамп табиий офат муносабати билан Калифорния штатида махсус режим жорий этганди. 

Оқ уй раҳбари мамлакатнинг ушбу қисмида давом этаётган ёнғинларга қарши кураш учун федерал ёрдам пакетини ажратиш тўғрисидаги қарорни маъқуллаган. 

Рушанабону Султонова


Мақола муаллифи

avatar

.

Теглар

АҚШ Вашингтон Орегон

Баҳолаганлар

33

Рейтинг

2.9

Мақолага баҳо беринг

Дўстларингиз билан улашинг