Ҳукумат ўқитувчилар маоши ва қўшимча тўловлар бўйича қарор қабул қилади

Ўзбекистонда мактаб ўқитувчиларига тўланадиган қўшимча ҳақларнинг миқдорларини ўзгартириш режалаштириляпти. Бу ҳақда Вазирлар Маҳкамасининг Норматив-ҳужжатлар лойиҳалари муҳокамаси порталида эълон қилинган қарори лойиҳасида белгиланган.

Ўзгаришлар Ўзбекистон Республикасининг “Ногиронлиги бўлган шахсларнинг ҳуқуқлари тўғрисида”ги Қонуни, Ўзбекистон Республикаси Президентининг 2020 йил 6 ноябрдаги ПФ-6108-сон “Ўзбекистоннинг янги тараққиёт даврида таълим-тарбия ва илм-фан соҳаларини ривожлантириш чора-тадбирлари тўғрисида”ги Фармони ҳамда 2020 йил 13 октябрдаги ПҚ-4860-сон “Алоҳида таълим эҳтиёжлари бўлган болаларга таълим-тарбия бериш тизимини янада такомиллаштириш чора-тадбирлари тўғрисида” қарорига мувофиқ амалга оширилади.

Қарор билан Ҳукуматнинг 2005 йил 21 декабрдаги “Халқ таълими ходимлари меҳнатига ҳақ тўлашнинг такомиллаштирилган тизимини тасдиқлаш тўғрисида”ги қарорига ўзгартириш киритиш режалаштирилган. Ўзгаришга кўра, қарорнинг 4-банди биринчи қисми қуйидагича баён қилинади:

4. Умумтаълим муассасалари ўқитувчиларига қўшимча ҳақ тўловлари меҳнатга ҳақ тўлашнинг энг кам миқдорига нисбатан фоиз ҳисобида қуйидаги миқдорларда амалга оширилади:

“а) синфдаги ўқувчилар сонига кўра синф раҳбарлиги учун:

15 нафар ўқувчигача — 26,4 фоиз;

16 нафардан 20 нафар ўқувчигача — 31,6 фоиз;

21 нафардан 25 нафар ўқувчигача — 36,9 фоиз;

26 нафардан 30 нафар ўқувчигача — 42,1 фоиз;

31 нафар ва ундан кўп ўқувчи бўлганда — 52,8 фоиз;”;

Қарорнинг 1-иловаси қуйидаги таҳрирда баён қилинади:

“Халқ таълими муассасалари педагог ходимлари меҳнатига ҳақ тўлаш бўйича базавий тариф ставкалари миқдорлари