Расман: Жо Байден АҚШ Президенти бўлди
Олам
−
20 Январь 2021
8160Айни вақтларда Вашингтонда AҚШнинг сайланган Президенти Жо Байден ва вице-президент Камола Ҳарриснинг инаугурация маросими бўлиб ўтяпти.
Маросимда дастлаб сайланган вице-президент Камола Ҳаррис қасамёд қабул қилди ва расман янги лавозимга киришди. У АҚШ тарихидаги биринчи аёл вице-президент бўлди.
Ҳаррисдан кейин Жозеф Байден АҚШ Президенти сифатида қасамёд қилди. Байден расман АҚШнинг 46-президенти бўлди.
“Мен, кичик Жозеф Робинетт Байден тантанали равишда қасамёд қиламанки, Америка Қўшма Штатлари Президенти вазифаларини сидқидилдан бажараман ва Америка Қўшма Штатлари Конституциясини бор кучим билан қўллаб-қувватлайман, қўриқлайман ва ҳимоя қиламан. Худо менга ёрдам берсин”, дея қасамёд келтирди Байден бир қўли билан Инжилни ушлаган ҳолда.
Сайловда мағлуб бўлган Дональд Трамп тарафдорлари томонидан 6 январь куни Капитолийда бўлиб ўтган тартибсизликлар туфайли тадбирни ўтказишда жиддий хавфсизлик чоралари кўрилган. Вашингтонга 25 минг ҳарбий келтирилган.
Инаугурация маросимида Дональд Трампнинг ўзи иштирок этмаяпти. У маросимдан бир неча соат олдин Вашингтонни тарк этди.
Демократ, собиқ вице-президент, оқсоқол сиёсатчи Жо Байден AҚШнинг 46-президенти бўлади. У 78 ёшида учинчи уринишда Оқ уйнинг овалсимон идорасини қабул қилиб оляпти ва тарихда энг кекса давлат раҳбари сифатида қолади.
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023