Россия Байденнинг инаугурацияси ҳақида қандай фикрда?

Олам

−

20 Январь 2021 visibility4894

Россия АҚШнинг янги Президенти Жозеф Байденнинг инаугурациясига ҳеч қандай тарзда тайёрланмайди, лекин Вашингтон билан яхши муносабатларга умид қилмоқда. Бу ҳақда журналистларга Россия Президентининг матбуот котиби Дмитрий Песков маълум қилди.

“Кремль инаугурацияга тайёрланмаяпти, Россия учун ҳеч нарса ўзгармайди (Байден президентликка келганидан кейин). Россия, юзлаб йиллар давомида яшаб келганидек, Америка Қўшма Штатлари билан яхши алоқаларни излаб яшашда давом этади”, дейди Песков.

Унинг қўшимча қилишича, Путин аввалроқ Байденни АҚШ президенти этиб сайлангани билан табриклаб улгурган.

АҚШнинг сайланган Президенти Жозеф Байденнинг инаугурацияси бугун, 20 январь куни Капитолий зинапоясида бўлиб ўтади.

Мақола муаллифи