YeCHLga raqobat qilayotgan Yevropa ligasi
Tahlil
−
19 aprel 2019
5490Kecha, 18 aprel kuni Yevropa ligasining chorak final javob bahslari o‘tkazildi.
Bu bosqichning markaziy bahsiga Neapol mezbonlik qildi. Londonning “Arsenal” klubi “Napoli” mehmoni bo‘lgan holda kichik 0:1 hisobdagi g‘alabani tantana qildi. Uchrashuvdagi yagona gol Aleksandr Lyakazett hisobiga yozildi.
Ikki o‘yin natijasiga ko‘ra, “Arsenal” 3:0 hisobini qayd etib, keyingi bosqichga chiqdi.
“Arsenal”ning yarim finaldagi raqibi Ispaniyaning “Valensiya” klubi bo‘ladi. Valensiyaliklar chorak finalda, ispan derbisida kecha “Vilyarreal” jamoasini 2:0 hisobida mag‘lub etdi. Birinchi bahsda ham “Valensiya” safarda 3:1 hisobida mag‘lub etib qaytgan edi.
Chorak finalning gollarga boy qiziqarli uchrashuvi Londonda bo‘lib o‘tdi.
Angliyaning boshqa bir jamoasi “Chelsi” o‘z maydonida Chexiyaning “Slaviya” klubiga qarshi bahs olib bordi. Maydon egalari 4:3 hisobidagi g‘alabani tantana qilishdi. Dastlabki bahsda ham “aristokratlar” so‘nggi daqiqalardagi gol evaziga chexlardan 1:0 hisobida ustun kelgan edi.
“Chelsi”ning yarim finaldagi raqibi Germaniyaning “Ayntraxt Frankfurt” jamoasi bo‘ladi.
Aslida nemis jamoasi chorak finalning ilk bahsida Portugaliyaning “Benfika”siga 4:2 xisobda imkoniyatni boy berib qo‘ygan edi. Shu sababdan hamma frankfurtliklarga qiyin bo‘lishini taxmin qilayotgan bir paytda, ular chorak finalning javob bahsida omadni o‘z tomoniga og‘dira olishdi va 2:0 hisobida lissabonliklarni mag‘lub etdi.
Ikki o‘yin natijasiga ko‘ra hisob tenglashdi 4:4. Ammo nemislar safarda urilgan gollar evaziga keyingi bosqichga chiqdi.
Endi yarim finalda “Arsenal” – “Valensiya”, “Chelsi” – “Ayntraxt Frankfurt”jamoalari bahs olib boradi. Yarim finalning dastlabki bahslari 2-may kuniga belgilangan. Javob bahslari esa, 9-mayga kuni o‘tkaziladi.
LiveBarchasi
07 noyabr 2023
07 noyabr 2023
07 noyabr 2023