Россия хориждаги фуқароларини ортга қайтаришни тўхтатди

Жамият

image

Бугун, 4 апрелдан Россия хориждаги фуқароларини қайтариш учун амалга оширилаётган халқаро рейсларни тўхтатди. Коронавируснинг тарқалишига қарши кураш бўйича тезкор штаб тегишли қарорни қабул қилди. Бу ҳақда РИА Новости хабар берди.

Шахси ҳақида ҳужжат кўрсатган чет элдаги РФ фуқароларига ҳукумат ёрдам кўрсатади. Бунинг учун Ташқи ишлар вазирлигига 500 млн рубль ажратилган.

Росавиация 4 апрелдан кейинга берилган чартер рейслар учун барча рухсатномаларни қайтариб олган. Айни вақтда россияликларни хориждан қайтариш учун чартер рейслар қачон тикланиши номаълум.

Маълумот учун, Россияда коронавирус инфекциясини юқтирганлар сони 4 мингдан ошиб кетди. Уларнинг 34 нафари вафот этган ва 258 нафари даволанган.

Аввалроқ, Россия Федерацияси чартер рейслардан бошқа барча парвозларни тўхтатгани ҳақида хабар берган эдик.


Мақола муаллифи

Теглар

Россия коронавирус

Баҳолаганлар

160

Рейтинг

3

Мақолага баҳо беринг

Дўстларингиз билан улашинг