Пойтахтда “бош кўтарган” шамол, “Йил тўйи”да қатнашган Президент, машмашаси тугамаётган “Оқ-тепа лаваш” ва бошқа хабарлар тафсилоти

Жамият

image

8 июнь куни ҳам ниҳоясига етяпти. Қуйида сиз билан Ўзбекистон, жаҳон ва бошқа соҳаларда юз берган куннинг энг муҳим воқеаларига тўхталиб ўтамиз.

Жамият

Автомобиль транспортида юкларни халқаро ташиш янада ривожлантирилади

Ўзбекистон Республикаси Президенти Шавкат Мирзиёев “Автомобиль транспортида юкларни халқаро ташишни янада ривожлантиришга доир қўшимча чора-тадбирлар тўғрисида”ги қарорни имзолади.

ИИББ: Тошкентда хонадон ичидан икки кишининг жасади топилди

Тошкент шаҳар Чилонзор тумани 19-мавзесидаги хонадонлардан биридан 77 ёшли Ш.М.нинг жасади йўлакда, М.Т.нинг жасади балкондан топилди. Воқеа содир бўлган жойга ИИБ ходимлари, прокурор, солиқ инспекцияси бошлиғи, шунингдек, Чилонзор тумани ҳокимлиги ва санитария-эпидемиология хизмати вакиллари чиққан. Текшириш ўтказилмоқда, тегишли экспертизалар тайинланган.

Бўкадаги қамоқхонада андижонлик маҳбус бошқа бир маҳбусни уриб ўлдирди

Ички ишлар вазирлиги Жазони ижро этиш бошқармасига қарашли Бўка туманидаги УЯ 64/38-сонли колонияда қасддан одам ўлдиргани учун жазо муддатини ўтаётган андижонлик 54 ёшли маҳкум М.Қ. жазо муддатини ўтаётган маҳкумни уриб ўлдирди.

Тошкентда мудҳиш ЙТҲ: 22 яшар пиёда ҳалок бўлди

Тошкент шаҳри Мирзо Улуғбек туманида кеча, 7 июнь куни икки кишининг ўлимига сабаб бўлган мудҳиш ЙТҲ содир бўлди. ЙТҲ туфайли пиёда Г.И. ва автомобиль йўловчиси 38 ёшли О.М. воқеа жойида ҳалок бўлган.

“Оқ-тепа лаваш”нинг барча савдо нуқталари ёпиб қўйилди

Тошкентда “Оқ-тепа лаваш” ошхоналарида тамадди қилиб заҳарланганлар сони уч кун ичида умумий ҳисобда 41 кишини ташкил этди. Айни ватга келиб Тошкент шаҳрида жойлашган барча – 14 та “Оқ-тепа лаваш” тармоқ ошхоналари ёпиб қўйилган.

Мазкур ҳолат юзасидан кеча, 7 июнь куни Тошкент шаҳар прокурори томонидан “Grand Azia Plus” МЧЖ мансабдор шахслари ва бошқаларга нисбатан Ўзбекистон Республикаси Жиноят кодексининг 186-моддаси 4-қисми “б” банди билан жиноят иши қўзғатилган.

Тошкентда кучли шамол: Дарахт ҳаракатланаётган Matiz`ни босиб қолди

Бугун Тошкентда кучли шамол кузатилди. Шамолда дарахтлар ағдарилиб, машиналарни босиб қолди. Амир Темур майдонини Оҳангарон йўли билан боғлайдиган Маҳтумқули кўчасида дарахт қулаб тушиши натижасида йўлнинг бир томони тўлиқ ёпилиб қолди.

Кучли шамол самолётлар қатновига ҳам таъсир қилди. Москвадан Тошкентга учган самолёт пойтахт аэропортига қўнолмай, Бишкекга йўл олди.

Олам

Видео: Президент рафиқаси билан “йил тўйи”да қатнашди

Туркия Республикаси Президенти Ражаб Тойиб Эрдўған Лондоннинг “Арсенал” клуби яримҳимоячиси Месут Ўзилнинг тўйида қатнашди. Ижтимоий тармоқларда тарқалган видеода Туркия Президенти турмуш ўртоғи Эмина Эрдўған билан футболчининг никоҳ маросимида ёш келин куёвга гувоҳлик қилаётганини кўриш мумкин.

НАТО Россиянинг “бурни остида” йирик ҳарбий машғулотларни бошлаб юборди

НАТО Литвада йирик ҳарбий машғулотларни бошлаб юборди. Gelezinis Vilkas 2019 (Темир бўри 2019) машғулотларида 10 давлатдан 4 минг ҳарбий ва мингдан ортиқ ҳарбий техника ишга туширилган.

Навбатдан ташқари сайлов Қозоғистонга қанчага тушгани маълум бўлди

Қозоғистонда президентлик сайловларига тайёргарлик кўриш учун 9,4 млрд тенгега (23 млн доллар) яқин маблағ сарфланди. Бу ҳақда Қозоғистон Марказий сайлов комиссияси котиби Сабила Мустафин халқаро кузатувчилар гуруҳи билан учрашувда маълум қилди.

Пензада уч автомобиль тўқнашди. Яна ўзбекистонлик жабрланди

Россиянинг Пенза вилояти ҳудудидан ўтувчи М5 “Урал” федерал трассасида юз берган ЙТҲда учта автомобиль тўқнашиб кетган. Натижада бир киши ҳалок бўлган, олти киши, жумладан 1980 йил 19 апрелда туғилган Ўзбекистон фуқароси Олиозахон Қаҳрамонжоновна Омирзанова жароҳат олган. 

Спорт

Ҳабиб Нурмуҳамедов UFC`нинг энг сердаромад жангчиси бўлдими?

Россиялик аралаш кураш (ММА) жангчиси Ҳабиб Нурмуҳамедов Мутлақ жанглар чемпионати (UFC) раҳбарияти билан янги музокаралар қандай ўтганлигини айтиб берди. 30 ёшли спортчи янги шартнома тафсилотларини очиқламаслигини таъкидлаган. Бироқ Нурмуҳамедов UFC бир неча ўринда муросага келиб, ён берганини қайд этди.

Дунёнинг энг қиммат футболчиси кимлиги айтилди

“Business Insider” нашри дунёнинг энг қиммат футболчилари рейтингини тузди. Рўйхатга “ПСЖ” клубининг франциялик ҳужумчиси Килиан Мбаппе етакчилик қилди. “Ювентус”нинг португалиялик форварди Криштиану Роналду 21 футболчи киритилган рейтингда 19-ўринни эгаллади.

Надия Дусанова Осиё Гран-присида олтин дубль қайд этди

Хитойнинг Цзян Цзинь ва Цзюлунпо шаҳарларида енгил атлетика бўйича Осиё Гран-приси якунланди. Унда иштирок этган Ўзбкистон терма жамоаси вакиллари мусобақанинг иккинчи босқич якуни бўйича ҳам 1 тадан олтин ва бронза медалларини қўлга киритишди.


Мақола муаллифи

Теглар

Баҳолаганлар

36

Рейтинг

2.8

Мақолага баҳо беринг

Дўстларингиз билан улашинг