Jizzaxda erkak 25 yoshli xotinini urib o‘ldirdi
3-sahifa
−
06 may 14548
Jizzax viloyati Sharof Rashidov tumanidagi uylardan birida ayol kishining jasadi topildi. Uning eri qotillikda gumon qilinmoqda. Bu haqda “Millar” dasturida xabar qilindi.
Marhumaning yaqinlarining aytishicha, birgalikdagi hayoti davomida er-xotin o‘rtasida doimo janjallar bo‘lgan.
“Ularning oilasidagi janjallar tugamadi. 2022 yilda jiddiy mojaro yuz berdi, shundan so‘ng u ota-onasining uyiga qaytdi. Unga himoya orderi berildi. Uning qanday o‘lganini bilmaymiz, lekin uch yoshli o‘g‘li menga otasi uni tayoq bilan urganini aytdi”, deydi marhumaning opasi.
Mahalladagi xotin-qizlar faoli ham vaziyatga izoh berar ekan, marhuma yaxshi ayol bo‘lgani va uyini doim toza tutganini ta’kidlagan. Uning fikricha, holatga rashk sabab bo‘lgan bo‘lishi mumkin.
Aniqlanishicha, gumonlanuvchi turmush o‘rtog‘ini bir necha marta urib, tan jarohatlari yetkazgan, keyin esa bo‘g‘ib o‘ldirgan. Oqibatda 1999 yilda tug‘ilgan ayol vafot etgan.
Hozirda mazkur holat yuzasidan viloyat prokuraturasi tomonidan jinoyat ishi qo‘zg‘atilib, tergov harakatlari olib borilmoqda.
