...
МЕНЮ
ONLINE TV

Ҳаж сафаридаги Ўзбекистон хожилари Президентга мактуб йўллади


22:27, 31.08.2017 Жамият
 2 165

Ўзбекистон хожилари муборак сафарда Яратгандан Ватанимиз тараққиёти, халқимиз равнақини сўраб дуои хайрлар қилмоқлар.

Ўзингизга маълум, Макка шаҳрининг Арафот водийсида шу кунларда 7200 дан зиёд юртдошларимиз ҳаж ибодатини адо этмоқдалар.
 
Улар орасида Ўзбекистон Республикаси Президенти Шавкат Мирзиёев ташаббуслари билан муборак Ҳаж сафарига жўнатилган 138 нафар Иккинчи жаҳон уруши иштирокчилари — табаррук ёшдаги отахонлар ҳам бор.
 
Ўзбекистон хожилари муборак сафарда Яратгандан Ватанимиз тараққиёти, халқимиз равнақини сўраб дуои хайрлар қилмоқлар. 
 
Улар номидан юборилган мактубматни Ўзбекистон мусулмонлари идорасининг расмий веб-саҳифасида эълон қилинди.

 

Ушбу мактуб матнини эътиборингизга ҳавола этамиз...

 

ЎЗБЕКИСТОН РЕСПУБЛИКАСИ ПРЕЗИДЕНТИ ШАВКАТ МИРЗИЁЕВ ЖАНОБИ ОЛИЙЛАРИГА

Ассалому алайкум ва раҳматуллоҳи ва баракотуҳ,
Муҳтарам Президент Жаноби олийлари,
Сиз ва Сиз орқали барча юртдошларимизни улуғ айём — Қурбон ҳайити билан муқаддас заминда ҳаж ибодатини бажариб юрган ҳожиларимиз номидан самимий муборакбод этамиз.
Истиқлол шарофати билан динимиз арконларини эмин-эркин адо этиш учун барча шароитлар, хусусан, Ватанимиздан муборак ҳаж сафарига бораётган фуқароларимиз учун яратиб берилаётган қулай имкониятлар Сизнинг ўз халқига бўлган  ғамхўрлигингиз намунасидир.
 
Миллий ва диний қадриятларга, бағрикенглик тамойилларига кўрсатаётган алоҳида эътибор ва эҳтиромингиз туфайли юртимиздан етишиб чиққан буюк алломалар қадамжолари обод этилиб, уларга янгича салобат бахш этилиши, халқимиз, айниқса, ёшларимиз маънавиятини юксалтириш борасида амалга оширилаётган эзгу ва хайрли ишлар халқимизни янада улкан зафарлар сари руҳлантирмоқда.
 
Шу кунларда байрам устига байрам — Қурбон ҳайитини байрам қилишимиз Мустақиллигимизнинг 26 йиллиги билан бирга нишонлаётганимизнинг замирида катта ҳикмат ётибди.
 
Яна шу кунларда 7200 дан зиёд юртдошларимиз ҳаж ибодатини адо этмоқдалар. Улар орасида Юртбошимиз ташаббуслари билан муборак сафарга жўнатилган 138 нафар Иккинчи жаҳон уруши иштирокчилари — табаррук ёшдаги отахонларимиз ҳам муборак сафарда Яратгандан Ватанимиз тараққиёти, халқимиз равнақини сўраб Маккаи мукаррамада, Арафот ва Мино водийсида дуои хайрлар қилмоқдамиз. 
 
Биз ўзбекистонлик ҳожилар Арафотда  туриб, Сизнинг раҳнамолигингизда мустақил юртимиз ҳамиша омон, элимиз тинч, турмушимиз янада фаровон бўлишини Яратгандан илтижо қилиб сўрамоқдамиз.
 
Муҳтарам Президент Жаноблари, Аллоҳ таолодан Сизга мустаҳкам соғлиқ, бахт-саодат тилаб, халқимиз ва азиз диёримизни ҳамиша ўз паноҳида асрашини сўраб дуолар қилиб қоламиз.
Улуғ БЕК 
Ўзбекистон ҳожилари
Макка шаҳри, Арафот водийси,
2017 йил  31 август

Дўстларингиз билан бўлишинг:



Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Қайси мобил оператор хизматидан фойдаланасиз?

Барча сўровлар