Ирода Тўлаганова яна бир нуфузли лавозимга сайланди

Спорт

−

27 Январь 2020 visibility8365

Ўзбекистон теннис федерациясининг Бош котиби Ирода Тўлаганова яна бир нуфузли лавозимга сайланди. Ўзбекистон Миллий Олимпия қўмитасидан хабар қилишларича, Тўлаганова бугун, 27 январь куни Осиё теннис федерациясининг (ОТФ) вице-президенти деб эълон қилинган.

Тўлаганова ўтган йилнинг 1 декабрь куни Ҳиндистоннинг Бангалор шаҳрида ўтган йиғилишда ОТФ директорлар кенгашига аъзо бўлган эди. Ортда қолган вақт мобайнида юртдошимизнинг самарали фаолияти уни халқаро ташкилотнинг вице-президентлик даражасига кўтарди.

Машҳур теннисчи Ирода Тўлагановани нафақат Ўзбекистонда, балки бутун дунёда яхши билишади. У яккалик баҳсларида 3 мартадан WTF ва ITF турнирлари ғолибаси ҳисобланади. Ирода Тўлаганова “Ўзбекистон ифтихори” фахрий унвони, “Шуҳрат” медали билан тақдирланган.

Мақола муаллифи