Путин ЕИга қарши санкциялар муддатини узайтирди

Олам

image

Бугун, 24 июнь куни Россия Федерацияси Президенти Владимир Путин Европа Иттифоқи мамлакатларида ишлаб чиқарилган маҳсулотларга нисбатан махсус иқтисодий тақиқлов чораларини 2020 йил 31 декабргача узайтирди.

Владимир Путин имзолаган фармонда махсус иқтисодий ва мажбурлов чоралари РФнинг миллий қарашларини ҳимоя қилиш учун узайтирилгани таъкидланган.

ЕИ мамлакатларига қарши махсус иқтисодий чоралар 2014 йил 6 августида жорий қилинган ва тўрт марта узайтирилган. Россия ҳукуматига тегишли ҳужжатларни Президент фармонига мувофиқлаштириш вазифаси юкланган.

ЕИ 2014 йил ёзида РФга қарши санкциялар жорий қилганди. Бунга Қрим яриморолининг аннекция қилиниши сабаб бўлган. Россия бунга жавобан санкция жорий қилган мамлакатлардан маҳсулот ва хомашё сотиб олишни тўхтатган.


Мақола муаллифи

Теглар

Владимир Путин Европа Иттифоқи санкция

Баҳолаганлар

94

Рейтинг

2.9

Мақолага баҳо беринг

Дўстларингиз билан улашинг