...
МЕНЮ
ONLINE TV

Видео: Наманганда порахўр ҳоким ўринбосари ушланди


10:12, 29.09.2018 Жамият
 7 289

Порахўр амалдор ДХХ ва прокуратура ходимлари томонидан қўлга олинган.

Наманган вилоятининг Чуст туманида яшовчи фуқаро боғдорчилик фермер хўжалиги ташкил этиш учун 5,3 гектар ер майдони олиш мақсадида туман ҳокимининг қишлоқ ва сув хўжалиги масалалари бўйича ўринбосари Шарофиддин Юсупжоновга мурожаат қилган. Бу ҳақда “Ўзбекистон 24” телеканалидаги лавҳада хабар берилди.
 
Таъкидланишича, Шарофиддин Юсупжонов бунинг эвазига 2 минг АҚШ доллари миқдорида пул талаб қилган.
 
ДХХ Наманган вилоят бошқармаси ҳамда Бош прокуратура ҳузуридаги Департаментнинг вилоят бошқармаси ходимлари ҳамкорлигида ўтказилган тезкор тадбир натижасида Шарофиддин Юсупжонов келишилган 2 минг АҚШ долларидан 1800 долларни олаётган вақтида қўлга олинди.
 
Ҳозирда мазкур ҳолат юзасидан Шарофиддин Юсупжоновга нисбатан Ўзбекистон Республикаси Жиноят кодексининг 210-моддаси билан жиноят иши қўзғатилиб, тергов ҳаракатлари олиб борилмоқда.
 
Маълумот учун, Шарофиддин Турғунович Юсупжонов 1979 йилда Наманган вилояти Учқўрғон туманида туғилган. Миллати ўзбек.
Суннатилла Абдуллаев

Теглар:Наманган вилояти Чуст тумани коррупция 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар