...
МЕНЮ
ONLINE TV

Видео: Мирзиёев АҚШга тўнғич қизи Саидани ҳам олиб боргани аниқланди


14:17, 22.05.2018 Жамият
 32 098

Видеода Саиданинг ота-онасига ҳамроҳлик қилаётгани, баъзи кадрларда эса суҳбатлашаётгани акс этган.

Ўзбекистон Республикаси Шавкат Мирзиёевнинг қизлари Саида ва Шаҳнозанинг жамиятдаги фаоллиги анчайин ошиб бормоқда. Улар бугунгача ҳам шунчаки уй бекалари бўлмаган. Иккиси ҳам ўзи танлаган соҳанинг тажрибали мутахассиси, жамоатчи, хорижий тилларни яхши ўзлаштирган аёллар.
 
Хабарингиз бор, Ўзбекистон Республикаси Президенти Шавкат Мирзиёев жорий йилнинг 15-17 май кунлари илк расмий ташриф билан АҚШга борди. Ушбу ташрифда унга турмуш ўртоғи Зироат Мирзиёева ҳамроҳлик қилганди.
 
“Qalampir.uz” аниқлаган маълумотларга қараганда, Президентнинг АҚШга амалга оширган ташрифида тўнғич қизи Саида Мирзиёева ҳам ҳамроҳлик қилган. Бу Ўзбекистон Республикаси Президенти Матбуот хизмати томонидан тайёрланган видеороликда ҳам ўз тасдиғини топган.
 
Видеода Саиданинг ота-онасига ҳамроҳлик қилаётгани, баъзи кадрларда эса суҳбатлашаётгани акс этган.
 
У отаси Шавкат Мирзиёев ва онаси Зироат Мирзиёева билан Вашингтондаги Артур Саклер галареясида ўзбек атласи ва адраси кўргазмасида қатнашган. Қолаверса, Мирзиёевнинг АҚШга ташрифи муносабати билан “Виллард интерконтинентал” меҳмонхонасида ўтказилган тантанали маросимда иштирок этган.
 
Саида Мирзиёева бундан аввал Туркия Республикаси Президенти Ражаб Тойиб Эрдўғаннинг Ўзбекистонга ташрифи давомида Ўзбекистон ва Туркия биринчи хонимлари Зироат Мирзиёева ва Эмина Эрдўған учрашувларида қатнашган эди. 

Теглар:Саида Мирзиёева Шавкат Мирзиёев Зироат Мирзиёева 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар