... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Телефон билан банд бўлган онанинг 4 яшар ўғли сувга чўкиб, ҳалок бўлди


10:48, 06.01.2017 Олам
 3 324

Аниқланишича, болакай 3 дақиқа ичида сувга чўкиб кетган. Унинг жасади воқеадан 1 соат ўтиб, сув ҳавзасининг тубидан топилган.

Хитойда онасининг бефарқлиги сабаб 4 ёшли болакай ҳовузда сузаётиб, чўкиб кетди. Бу ҳақда “South China Morning Post” газетаси хабар тарқатди.
 
Воқеа 3 январь куни Шэньси провинциясининг Сяньян шаҳридаги чўмилиш ҳавзасида рўй берган. Хитойлик аёл бу ерга чўмилиш учун 4 ёшли ўғли ва 6 ёшли қизини бирга олиб келган.
 
Маҳаллий ОАВ орқали тарқалган видеоларда сув ҳавзасининг чеккасида 4 ёшли болакайнинг сувга ғарқ бўлаётгани яққол акс этган. Бу вақтда эса болакайнинг онаси фарзандидан тахминан 2 метрча масофада қўл телефонини текшириш билан банд бўлган. Она фарзандига тескари қараб турган. Аёл телефонидаги “ёзишма”ларни тугатганидан сўнг, ҳовузнинг бошқа бурчагига бориб, чўмилишда давом этган.
 
Видеотасвирларда кўринганидек, ҳовузда бошқа одамлар ҳам бўлган, бироқ улардан ҳеч бири сувга чўкаётган болакайга эътибор бермаган.
 
Маълумотларга кўра, сув ҳавзасининг болалар учун мўлжалланган қисмида сув сатҳи 30 см бўлган, аммо болакай ҳовузнинг 1,3 метр чуқурликдаги жойига сузиб келган ва шу ерда чўкиб кетган.
 
Аниқланишича, болакай 3 дақиқа ичида сувга чўкиб кетган. Унинг жасади воқеадан 1 соат ўтиб, сув ҳавзасининг тубидан топилган.
Дурдона Расулова 

Теглар:Хитой Сув ҳавзаси 

Дўстларингиз билан бўлишинг:


Ўхшаш мақолалар


Изоҳлар




Изоҳлар

Nuriddin
17:43 06.01.2017

Чукаётган болани видеога олиш билан машгул одамлар нимага куткаришга харакат килмабди.



Биринчи бўлиб ўз фикрингизни қолдиринг!