Сингапур текин ниқоблар тарқатишга ўтди
Олам
−
05 Апрель 2020 3959
Сингапур аҳолиси қайта фойдаланиш мумкин бўлган тиббий ниқобни бепул харид қилиши мумкин. Бу ҳақда шаҳар раҳбариятининг Facebook'даги расмий саҳифасида маълум қилинган.
“Шаҳарда рўйхатдан ўтган манзилингиз бўлса, ниқобларни 5 апрелдан 12 апрелга қадар бепул олишингиз мумкин”, дейилади хабарда. Аниқлик киритилишича, ниқоблар бир кишига бир дона берилади.
Сўнгги маълумотларга кўра, Сингапурда коронавирусга 1 189 нафар одам чалинди. 297 бемор шифо топган бўлса, 6 киши вафот этди.
2019 йилнинг 31 декабрь куни Хитой ҳукумати Ухань шаҳрида пневмония авж олганлигини маълум қилди. Ушбу касалликни қўзғатувчиси сифатида коронавируснинг янги тури кўрсатилди ва унга COVID-19 деб ном берилди.
Халқаро соғлиқни сақлаш ташкилоти 11 март куни янги коронавирус тарқалишини панедмия деб атади.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
