Шимолий Корея ва АҚШ келиша олмади. Трамп махсус баёнот берди

Олам

−

28 Февраль 2019 visibility8057

Бироз олдин АҚШ президенти Дональд Трамп ва КХДР раҳбари Ким Чен Иннинг Ветнам пойтахти Ханойидаги музокаралари боши берк кўчага кириб қолганлиги ҳақида хабар берган эдик.

Ҳозиргина Ханойда бўлиб ўтган АҚШ саммити якунларига бағишланган матбуот анжуманида Қўшма Штатлар президенти Трамп бунга ойдинлик киритиб ўтди.

Унинг сўзларига кўра КХДР етакчиси Ёнбендаги ядро объектини йўқ қилиш эвазига барча санкциялар бекор қилинишини талаб қилган. Аммо расмий Вашингтон бу талабни қабул қилишн истамаган.

“Шимолий Корея томони барча санкцияларни бутунлай олиб ташлашни хоҳлашди, биз эса буни қила олмадик” деди матбуот учун чиқишида Дональд Трамп.

Шунингдек у икки кунлик музокаралар давомида, икки томонлама яхши алоқаларни йўлга қўйиш ва ядровий келишувга эришиш учун ҳаракат қилинганлигини, аммо якунда бу борада ижобий келишув юзага келмаганини айтиб ўтди.

Мақола муаллифи