... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Шаҳзода ўзбек хонандалари ичида Instagram’да 1 миллион кузатувчиси бор ягона юлдуз бўлди


12:27, 09.12.2016 Шоу-бизнес
 3 392

Бугунги кунда ижтимоий тармоқлар мухлисларни ўзлари севган юлдузнинг ҳаёти ва ижодидан бохабар қилувчи восита.

Ўзбек шоу-бизнеси вакиллари ичида деярли барчанинг Instagram ва Facebook ижтимоий тармоқларида ўз саҳифалари бор.

Ушбу саҳифалар орқали уларнинг ҳаёти ва ижодида рўй бераётган янгиликлар, ўзгаришлар, тақдимотлар ҳақида билиб олиш имкониятига эгамиз.

Одатда, машҳурлар ижтимоий тармоқдаги саҳифаларига бирор суратни жойлаштириб, сурат остига изоҳ қолдиришади. Бу улар ижодини кузатиб бораётган мухлислар учун жуда қизиқ.

Айни вақтда Instagram’да хонанда Шаҳзода жуда машҳур. Куни кеча унинг саҳифаси кузатиб бораётганлар сони 1 миллиондан ортди. Таъбир жоиз бўлса, Шаҳзода дунё миқиёсида энг ижтимоий тармоқларда энг кўп кузатувчига эга бўлган биринчи ўзбек хонандаси бўлди, десак муболаға бўлмайди.

Бугун эътиборингизга ўзбек шоу-бизнеси вакиллари орасида минглаб муҳлисларга эга бўлган ва Instagram’да кузатувчилари ортиб бораётган хонандалар топ-10талиги ҳавола этамиз.

1. Шаҳзода (Зилола Мусаева). Кузатувчилари сони 1 миллиондан ортган. Саҳифа очилганидан буён хонанда 3 427 та сурат жойлаштирган.

Шаҳзоданинг кузатувчилари сони тобора ортиб бораётгани бежиз эмас. Хонандани нафақат Ўзбекистонда, балки бошқа давлатларда, хусусан, Россия, Қозоғистон, Қирғизистон, Туркия каби давлатларда ҳам севиб тинглашади.

Шаҳзода Instagram’га кўпроқ дўстлар даврасидаги, иш жараёнидаги ва фарзандлари билан тушган суратларини жойлаштиради.

2. Асал Шодиева. Шу йил турмуш қурган актриса Асал Шодиева ўзбек шоу-бизнесида инстаграмидаги кузатувчилар сони билан энг илғорлардан. Актриса жойлаштирган суратлар айни дамда 145 тани ташкил этяпти. Боиси, у кўп суратларини ўчириб юборган. Уни кузатиб бораёттганлар сони эса 738 минг кишидан ошган.

3. Райҳон Ғаниева. Хонанданинг Instagram’даги саҳифасини 714 минг киши кузатиб бормоқда. Саҳифа очилганидан буён хонанда 2438 та сурат жойлаштирган.

Ўзбекистонда хизмат кўрсатган артист Райҳон шу йилнинг 20-24 февраль кунлари хонанда “Истиқлол” санъат саройида навбатдаги концерт дастурини тақдим этади. Унинг Instagram’даги саҳифасини кузатувчилар кун сайин ортиб бормоқда. Бунга Райҳон Ғаниеванинг яқинда турмуш қургани ҳам сабаб бўлса керак. Бошловчи Фарҳод Алимов билан турмуш қурган хонанданинг ижоди, айниқса, шахсий ҳаётидаги ўзгаришларни ҳеч бўлмаса, суратлар орқали кузатиш истагидагидаги муҳлислар талайгина.

4. Зарина Низомиддинова. Актрисалар орасида Зарина Низомиддинованинг ижтимоий тармоқлардаги кузатувчиларининг сони билан Асалдан кейинги ўринда турибди. Унинг кузатувчилари сони 642 кишини ташкил этмоқда. Актриса шу бугунгача жами 342 та суратини оммага улашган.

5. Лола Йўлдошева. Мафтункор Лоланинг Instagram’даги кузатувчилари сони 648 минг кишини ташкил этади. Саҳифа очилганидан буён хонанда 1940 та сурат жойлаштирган.

Айтиш лозимки, бошқа хонандалардан фарқли равишда Лола кўпроқ моделлар каби ўз либосларини намойиш қилишни яхши кўради. Шунингдек, фарзандлари, қўшиқларига клип суратга олиш жараёнлари, дўстлари даврасидаги суратларни илова қилади.

6. Муниса Ризаева. Instagram’да Муниса Ризаеванинг 613 минг нафар кузатувчиси бор. Саҳифа очилганидан буён хонанда у 3602 та сурат жойлаштирган.

Бу хонанда ҳам ҳудди Лола каби Instagram’га турли либослардаги образларини жойалаштиришни яхши кўради. Муниса Ризаеванинг овозидан ташқари қувноқлиги ҳам одамларни ўзига жавоб қилади.

7 Шаҳзода Муҳаммедова. Доим эътибор марказида бўлишни хуш кўрувчи Шаҳзода Муҳаммедованинг ижтимоий тармоқлардаги кузатувчилари сони кун сайин ортиб бормоқда. Шаҳзода бир кунда 10 тагача сурат жойлаштириши, маъзан “йўқлик”ка маҳкум бўлиши мумкин. У шахсий саҳифасига 5624 та сурат жойлаштирган. Бугун уни кузатаётганлар сони эса 608 минг кишини ташкил этмоқда.

8. Нилуфар Усмонова. Юлдуз Усмонованинг ягона фарзанди Нилуфар Усмонованинг Instagram’даги саҳифасида 573 минг нафар кузатувчиси бор. Хонанда саҳифа очилганидан буён 3443 та сурат жойлаштирган.

Нилуфар Усмонова ҳам асосан иш жараёни, тадбирларга бўлган ташрифлар ва фарзандлари билан тушган суратларини жойлаштиради.

9. Манзура Йўлдошева. Манзуранинг Instagram’даги саҳифасида 541 минг нафар кузатувчи бор. Хонанда саҳифа очилганидан буён 2400 та сурат жойлаштирган.

Хонанда шу кунларда “Тингла фарёдим” номли қўшиғига клип суратга олдирмоқда. Унинг Instagram’га жойлаштирган энг сўнгги суратлари шу ҳақда “хабар” бермоқда. Манзура ҳам ижтимоий тармоқдаги саҳифасига кўпроқ иш жараёни, тадбирлардаги иштироки акс этган суратларни жойлаштиради.

10. Шаҳзода Матчонова. Куни кеча турмуш қурган актриса Шаҳзода Матчонованинг ижтимоий тармоқлардаги кузатувчилари сони 520 минг кишига етган. Шу кунгача 1084 та сурат жойлаштирган Матчонова негадир тўйидаги суратларни шахсий саҳифасида эълон қилмади.
Умида Якубова

Теглар:Топ-10 Instagram Рейтинг Шаҳзода 

Дўстларингиз билан бўлишинг:


Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!