...
МЕНЮ
ONLINE TV

Шавкат Мирзиёев 12 ёшида гроссмейстер бўлган шахматчига мактуб йўллади


17:18, 20.10.2018 Жамият
 9 006

Унга Тошкент шаҳар ҳокимлиги томонидан уч хонали уй тақдим этилган эди.

Ўзбекистон Республикаси Президенти Шавкат Мирзиёев 12 ёшида жаҳоннинг амалдаги энг ёш халқаро гроссмейстерига айланган Жавоҳир Синдаровга мактуб йўллади.
 
Давлат раҳбари имзоси туширилган мактубда Синдаров шахмат оламидаги энг олий мақом — халқаро гроссмейстер унвонига сазовор бўлгани билан табрикланади.
 
“Мамлакатимизнинг сендек 12 яшар навқирон, азм-у шижоатли фарзанди ғоят муросасиз руҳда ўтган саралаш баҳсларида муваффақият қозониб, жаҳоннинг амалдаги энг ёш гроссмейстери даражасига кўтарилгани, дунё шахмати тарихидаги бу юксак натижа, ҳеч шубҳасиз, барчамизга, бутун Ўзбекистон халқига катта ғурур ва ифтихор бағишлайди”, дейилади мактубда.
 
Шунингдек, Шавкат Мирзиёев мактубида бундай натижа бошқа минг-минглаб ёш ўғил-қизларнинг катта ғалабаларни қўлга киритиши учун руҳлантиришини ҳам алоҳида таъкидлаб ўтган.
 
“Фурсатдан фойдаланиб, Ўзбекистон ифтихори бўлган сендек зукко фарзандни тарбиялаб, вояга етказган ота-онангга, барча оила аъзоларингга, устоз ва мураббийларингга ўз номимдан, халқимиз номидан чуқур миннатдорлик билдираман.
 
Сенга бахт ва омад, баланд парвозлар ҳамда янги-янги ғалабалар доимо ҳамроҳ бўлишини тилайман”, дея тугатилган мактуб.
 
Аввалроқ, унга Тошкент шаҳар ҳокимлиги томонидан уч хонали уй тақдим этилгани ҳақида хабар берган эдик.
Дилмуроджон Раҳимов

Теглар:Шавкат Мирзиёев Жавоҳир Синдаровга Шахмат 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз ҳеч пора бериб кўрганмисиз?

Барча сўровлар