“Ўзбекистон темир йўллари” поликлиникаси гинекологи порахўрликда айбланди

Жамият

image

Тошкентда “Ўзбекистон темир йўллари” Марказий поликлиникаси шифокори пора олаётганда қўлга тушди. Бу ҳақда Тошкент шаҳар ИИББ Матбуот хизмати хабар берди.

Воқеа жорий йилнинг 1 июль куни соат 22:23 да юз берган. “Ўзбекистон темир йўллари” Марказий поликлиникаси гинекология бўлими мудири 56 ёшли Гулнора У. жарроҳлик амалиёти учун Ниҳола А.дан 400 АҚШ доллар таъма қилган.

Мазкур ҳолат юзасидан Ўзбекистон Республикаси Жиноят кодексининг 214-моддаси 2-қисми бўйича (Давлат органи, давлат иштирокидаги ташкилот ёки фуқароларнинг ўзини ўзи бошқариш органи хизматчисининг қонунга хилоф равишда моддий қимматликлар олиши ёки мулкий манфаатдор бўлиши) жиноят иши очилган.

Мазкур модда билан айбланувчи энг кам ойлик иш ҳақининг эллик бараваригача миқдорда жарима ёки уч юз соатгача мажбурий жамоат ишлари ёхуд икки йилгача ахлоқ тузатиш ишлари билан жазоланади.


Мақола муаллифи

Теглар

коррупция Ўзбекистон темир йўллари

Баҳолаганлар

70

Рейтинг

3

Мақолага баҳо беринг

Дўстларингиз билан улашинг