Ўзбекистон Республикаси Бош Прокурори Корея Республикаси Бош Прокурори билан учрашди

Жамият

image

Жорий йилнинг 30 апрель куни Ўзбекистон Республикаси Бош прокурори Корея Республикаси Бош прокурори Мун Му-ил бошчилигидаги делегацияни қабул қилди. Бу ҳақда Бош Прокуратура Матбуот хизмати хабар қилди.

Учрашув давомида меҳмонларга прокуратура органларида бўлаётган асосий янгиланиш жараёни ҳақида маълумот берилди.

Учрашув иштирокчилари томонидан икки давлат бош прокуратуралари ўртасидаги ҳамкорлик профессионал алоқаларни йўлга қўйиш ва шартномавий-ҳуқуқий базасини кенгайтириш орқали изчиллик билан ривожланаётганлиги таъкидланди.

Суҳбатдошлар ўзаро манфаатли бўлган кенг қамровли масалаларни муҳокама қилдилар ва идоралараро ҳамкорликни ривожлантириш истиқболлари бўйича фикр алмашдилар.

Корея делегациясининг ташрифи шаклланган сермаҳсул алоқаларни янада кенгайтириш ва мустаҳкамлаш йўлида муҳим қадам эканлиги алоҳида қайд этилди.

Учрашув якунида жаноб Мун Ўзбекистон Бош прокурорига самимий қабул учун миннатдорчилик билдириб, ўзаро манфаатли идоралараро ҳамкорликни янада ривожлантиришга тайёрлигини билдирди.


Мақола муаллифи

Теглар

Ўзбекистон-Жанубий Корея

Баҳолаганлар

12

Рейтинг

3.1

Мақолага баҳо беринг

Дўстларингиз билан улашинг