Кимё бўйича Нобель мукофоти соҳиблари эълон қилинди

Бугун, 7 октябрь куни кимё бўйича 2020 йилги Нобель мукофоти соҳиблари аниқланди. Франциялик микробиолог Эммануэль Шарпантье ва америкалик биохимик Женнифер Дудна геном таҳрирлаш методини ривожлантиргани учун мукофотга лойиқ кўрилди.

2019 йилда эса оддий литий-ион батареяни кўп марта ишлатса бўладиган қилиб, қайта-қайта зарядлаш имкониятини очган олимлар — Жон Гуденоф, Стэнли Уиттингем ва Акира Ёсино кимё бўйича Нобелга сазовор бўлишган.

Маълумот учун, 6 октябрь куни физика бўйича 2020 йилги Нобель мукофоти соҳиблари аниқ бўлганди. 

5 октябрь куни эса физиология ва тиббиёт бўйича 2020 йилги Нобель мукофоти соҳиблари аниқланди.

Эслатиб ўтамиз, Швеция ва Норвегияда 5 октябрь куни Нобель ҳафталиги бошланди. Ҳафталик давомида ушбу нуфузли мукофотнинг 2020 йилдаги совриндорлари аниқланади.

Стокгольмдаги Нобель қўмитаси 6 октябрь, сешанба куни — физика, 7 октябрь, чоршанба куни — кимё, 8 октябрь, пайшанба куни эса адабиёт бўйича совриндорларни эълон қилиши айтилганди.

Энг нуфузлилардан бири ҳисобланадиган дунёда тинчлик ўрнатишга ҳисса қўшганлик учун мукофот совриндори, анъанага кўра, Ослода эълон қилинади. Маросим 9 октябрь, жума кунига белгиланган.