... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Саида Раметовани нима жин урди? Интернетда актрисанинг рақсга тушгани тасвирланган видео яшин тезлигида тарқалмоқда


12:31, 25.04.2016 Театр
 35 758

“Андишали келинчак”да қайнона, “Нодирабегим”да Увайсий, “Соҳибқирон”да Бибихоним каби буюк шарқ аёллари образини яратган Саида Раметовага ерда узала тушиб рақсга тушиш ярашадими? Буни қайси мезонлар билан ўлчаш мумкин?

Кеча қўл телефонимга Telegram орқали етиб келган видеони кўрдиму ёқамни ушладим. Навбатдаги видеоролик ҳам биз саҳнада, экранда кўриб, ҳавас қилган санъат аҳли вакиллари билан боғлиқ эди. Аслида шоу-бизнес оламидаги таниқли хонандаю созандалар, актёр ва актрисаларнинг турли алфоздаги видеолари қўл телефонлари орқали тарқалиши, кичик давралар, кафе ва ресторанлардаги рақслари видеоларга олиниб, одамлар қўлига етиб бориши янгилик бўлмай қолди. Бунинг ортидан қанчадан-қанча санъаткорларнинг халқ олдида юзи шувут бўлди. Қилган ишидан ҳижолат бўлмай бошини баланд кўтариб “бу мен эмас”, деганлар ҳам учради. Аммо навбатдагиси...

Ўзбек миллий академик драма театрининг тажрибали актрисаларидан бири Ўзбекистонда хизмат кўрсатган артист Саида Раметовани халқимиз жуда ҳурмат қилади. Фильмлардаги қайнона, она каби роллар билан томошабинлар қалбидан жой олган бу актриса, тўй-ҳашамларда ҳам энг талабгир санъаткорлардан бири. Кўплар уни янги келинни юз очди маросими, яъни келин саломни ўтказиб беришга таклиф қилади. Саида Раметова иштирокидаги видео эса актрисанинг ҳақиқий мухлислари, уни ҳурмат қилган, оғир-босиқ аёл сифатида таниган-билганларни бироз ранжитди.



Ўзбекистонда хизмат кўрсатган артист Саида Раметова билан боғлиқ видеоролик Фарғонадаги ресторанлардан бирида олинган бўлиб, унда актриса “Вира ва Зара” фильмидаги ҳиндча қўшиқлардан бирига Ўзбек давлат драма театри актёри Юнус Асқаров билан рақсга тушади. Албатта, рақсга тушишнинг, ҳордиқ чиқаришнинг ёмон жойи йўқ. Бироқ ҳар нарсанинг меъёри, чек-чегараси бор. Рақс майдонинини ўраб турган тутқичларга бош қўйиб рақсга тушаётган Саида Раметованинг ёнига актёр Юнус Асқаровнинг эмаклаб келишини, ўртада сакраб ўйнаши, сўнг ерга узала тушиб рақс майдончасининг у бошидан бу бошига думалаши қанчалик тўғри? Уларнинг бири Ўзбек миллий академик драма театрининг, иккинчиси Ўзбек давлат драма театрининг актёри бўлса...



Саида Раметова фильмлар ва театр саҳнасидаги роллари билан доим одамларга ўрнак бўлиб келган. У роль ижро этган спектаклларни томоша қилиш учун томошабинлар навбат кутиб туришарди. “Андишали келинчак”да қайнона, “Нодирабегим”да Увайсий, “Соҳибқирон”да Бибихоним каби буюк шарқ аёллари образини яратган актрисага ерда узала тушиб рақсга тушиш ярашадими? Буни қайси мезонлар билан ўлчаш мумкин?



Бугун мамлакатимизда санъат олами вакилларининг эмин-эркин ижод қилиши, санъатнинг турли йўналишларида иқтидорини синаб кўриши учун барча шарт-шароитлар яратилган. Ўзбекистон Республикаси Президенти Ислом Каримов Ўзбек миллий академик драма театрининг 100 йиллиги муносабати билан театр жамоасига йўллаган табригида шундай деган эди:

“Бугунги кунда биз маънавий ҳаётимизни юксалтириш йўлида бошқалар ҳавас қиладиган қандай катта натижаларга эришган бўлсак, ҳеч шубҳасиз, бу борада театр санъати, хусусан, Ўзбек Миллий академик драма театрининг ҳам муносиб ҳиссаси борлигини халқимиз, жамоатчилигимиз яхши билади ва юксак қадрлайди”.

Дарҳақиқат, халқимиз маънавий онгини ошириш, ёшларни бунёдкорлик ғоялари билан тарбиялашда Ўзбек миллий академик драма театрининг ўрни беқиёс. Бироқ саҳнада айтилган сўз фақат саҳнаники бўлиб қолиши керак эмас. Актёр ҳаётда ҳам саҳнада ижро этаётган роли сингари томошабинга ўрнак бўлиши, салбий одатлар, қусурлардан ҳоли бўлишга ҳаракат қилмоғи лозим. Бугун саҳнада Навоий, Ҳусайн Байқаро, Увайсий, Нодирабегим образларини яратаётган актёрлар эртага тўй-ҳашам, турли тадбирлар, кино ёки клипларда ножўё қилиқ қилса, бачкана хатти-ҳаракатлар билан рақсга тушса, уларнинг образига ким ишонади, ким актёр деб ҳурмат қилади. Саҳнада буюк аждодлар образида қандай намоён бўлади?

Биз ушбу мақола билан Ўзбекистонда хизмат кўрсатган артист Саида Раметовани қоралаш фикридан йироқмиз. У ҳам оддий ўзбек аёли. Касбига садоқатли актриса, оиласига, турмуш ўртоғига вафодор аёл. У ҳам бошқалар қатори ҳамкасблари даврасида кўнгил ёзмоқчи бўлгани аниқ. Бу ҳолатни видеога олиб, уни халқ олдида обрўсизлантиришга уринганларнинг қилмишлари эса жавобсиз қолмайди.

Тез орада мазкур масалага нисбатан Ўзбекистонда хизмат кўрсатган артист Саида Раметованинг мулоҳазаларини тақдим этамиз.

Теглар:Саида Раметова Ўзбек миллий академик драма театри 

Дўстларингиз билан бўлишинг:


Ўхшаш мақолалар


Изоҳлар




Изоҳлар

01.05.2016 13-11
13:14 01.05.2016

мне всегда интересно читать комментарии, нежели саму статью...Комменты всегда интереснее...По ним даже докторскую можно писать. P.S ..Короче, свиньям не понять , что такое культура и т.д.....


Abror
08:40 29.04.2016

я вообще не могу понять,,,,,что она сделала??? как бы она плохой что-то сделала??? просто она свои дело сделала тут я плохой ничего не вижу ..так что не надо из Спина говорит!!!! она очень зор ойнайди озини ролларини ман вообще шу айолга хавс киламан,,, внизу правильно написали саййод вообще Молодцы ........всем Доброго до свидания ))))(((((


Muzaffarbek
15:12 28.04.2016

Odamlarga nima bolayapti uzi? Pashshadan fil yasab charchashmadimi? Oddiygina raqs uchun shu darajada vaxima qilish yaxshimikin? Telegramdagi bemaza kanallar muhlislarini oshirish ilinjida elga xizmat korsatgan fidoyi insonlarni yer bilan bitta qilishga ham tayyor...


Умида
00:47 28.04.2016

Мадинахон бекорларни айтибсиз театрдан хайдалган деб,хали сиз улардак фидоий хизмат килинг кани уз касбизда. Улар театрни мукаддас деб биладилар,мухлисларга эса хамиша таъзимда ман дейдилар,Саидахонни яхши билмас экансиз


Умида
23:20 26.04.2016

ахир бу лавхалар концертдан олинганку,биз бу чикишларини Самаркандда куриб,роса мирикиб дам олганмиз. У кишини энергияларига койил колмай илож йук,сизлар булса ресторанда деб жар соляпсизлар. Думалаган булсалар нима кибди, хиндча ракску бу



Биринчи бўлиб ўз фикрингизни қолдиринг!