... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Саида Раметова “Андишали келинчак” спетаклидаги ролидан воз кечди


15:25, 03.05.2016 Театр
 11 114

Ўзбекистонда хизмат кўрсатган артист Саида Раметова ўзи билан боғлиқ видеолавҳалардан кейин режиссёрлардан келаётган таклифларга рад жавобини беряпти. Актриса бундай буён қайнона ролини ўйнамоқчи эмас.

Яқинда Ўзбекистонда хизмат кўрсатган артист Саида Раметова билан боғлиқ Telegram’да тарқалган видеолавҳалар ҳақида мақола тақдим этиб, актрисанинг мазкур ҳолатга нисбатан изоҳини ҳам ҳукмингизга ҳавола қилган эдик. Бу видео билан боғлиқ гап-сўзлар, муҳокамалар ҳалигачаа тингани йўқ. Ўзбекистонда хизмат кўрсатган артист Саида Раметова таҳририятимизга қўнғироқ қилиб, режиссёрлардан келаётган таклифларни рад этаётгани, қайноналар ролини ижро этиш истаги йўқлиги, бундан буён Ўзбек миллий академик драма театридаги “Андишали келинчак” спектаклида ҳам роль ўйнамаслигини маълум қилди.
 
Саида Раметова, Ўзбекистонда хизмат кўрсатган артист:
 
— Шу кунларда халқ хизматларида кўп бўляпман, мухлисларим, томошабинлар билан учрашяпман. Уларнинг кўпчилиги видеолавҳаларни тўғри қабул қилишганини, мен ҳақимда нотўғри хаёлга бормасликларини, бу видео саҳна кўринишидан олингани шундоқ билиниб турганини айтишмоқда. Мени тушунадиган, вазиятга холис баҳо бера оладиган мухлисларим борлигига шукур қиламан.
 
Шунча йиллик ижодим давомида қанча мавтовлар эшитган бўлсам, булар орасида танқидлар ҳам бўлди. Мен бундан хурсандман, чунки одамлар ижодимга бефарқ эмаски, мени танқид қилишади.
 
Телефонлар орқали тарқалган видеодан кейин “Саида опа, энди бундай ролларни ўйнаманг. Одамлар барибир тушунишмас экан”, деганлар кўп бўлди. Уларнинг гапида жон бор. Ўйлаб-ўйлаб бир қарорга келдим: бундан буён бачкана фильмларда суратга тушмайман. Қайнона ролларини ҳам ўйнамоқчи эмасман. Кеча театрга бориб, сўнгги бор “Андишали келинчак” спектаклида ролимни ижро этдим ва раҳбариятга бу спектаклдан мени олиб ташланглар, энди бундай ролларни ўйнамоқчи эмасман, деб айтдим.
 
Етар, шунча йил боримни санъатга баҳшида этиб, охир-оқибат топганим ўша видеолавҳа бўлди. Шу йўл билан мени ёмонотлиқ қилмоқчи бўлганларга инсоф сўрайман.

Теглар:Саида Раметова Ўзбек миллий академик драма театри 

Дўстларингиз билан бўлишинг:


Ўхшаш мақолалар


Изоҳлар




Изоҳлар

Asal Alibekova
16:26 13.06.2016

Саида опа ижодизга омад телиграммга келсак улар гирт бекорчилар битта мавзу топилдими гупиртиравирадилар биз сизни канакалигизди ва доим берилиб ролларни маромига йитказишингизни биламиз. сизни яхши курамиз ва яхши киноларда бош ролларда исзни кутиб коламиз.


Roziqov
12:28 19.05.2016

Ancha yillik mehnatlari bor o'zbek teatri va kinosida odamga alam qilishi aniq bilaman bu gap so'zlardan keyin u kishini sog'liklari asablari buzilgan. Saida Rametova tanqidlarga uchrab rollar o'ynamay qo'ydi deb eslashlaridan ko'ra yaxshi rollar o'ynab bu voqealarni esdan chiqartirish maqul manimcha.


Zafar
19:43 15.05.2016

Assalom alaykum Saida opa. Men mamnuniyat bilan shuni aytamanki men va oilam sizning har bir rollaringizni intizor bo'lib kutamiz va o'zgacha hordiq olamiz. Teatrga tushayotganda ham Saida Rametovaning rollari qaysi kun deb bilet olamiz. Yuqoridagi videorolikda siz xalqimiz uchun tarbiya, namuna ko'rsatgansiz, sizdagi jasoratga qoyil kimdir oynani tutishi kerak ediku. Sanatkor hoh salbiy rol ijro etsin, hoh ijobiy rol barchasi natija bersa bundan ortiq baxt bo'lmasa kerak. Sizning rollaringizni yana kutib qolamiz. Lekin Andishali kelinchak siz uchun yozilgan, Shu paytgacha o'ynagan qaynona rollangizda ham faqat sizni ko'ramiz. Barcha rollaringiz o'zingizga yarashadi va xalqimizga manzur bo'ladi. sizning ijodingizga muvaffaqiyat, oilaviy totuvlik eng muhimi sog'lik salomatlik tilayman.


Bakhtiyor Sheraliev
18:04 03.05.2016

Yashang Saida opa!!!



Биринчи бўлиб ўз фикрингизни қолдиринг!