Тошкентда содир этилган оммавий муштлашув бўйича прокуратура маълумот берди

Жамият

image

Бир неча кун олдин, ижтимоий тармоқларда Тошкент шаҳридаги кўчаларнинг бирида, жамоат жойида оммавий муштлашув ташкил этган одамларнинг видеотасвири тарқалган эди. Унда бир нечта фуқаролар ҳатто машинада бир-бирларини босиб кетмоқчи ҳам бўлишган.

Юз берган ушбу ҳодиса юзасидан Тошкент шаҳар прокуратурасининг ўта оғир жиноятларни тергов қилиш бўлими бошлиғининг ўринбосари Фарҳод Бобониёзовнинг “Замон” дастурига маълумот берди.

Билдирилишича, мазкур ҳодиса жорий йилнинг 5 июнь куни соат 19:50 ларда Тошкент шаҳар Миробод тумани “Фарғона йўли” кўчасида жойлашган “Осиё бургер” овқатланиш шаҳобчаси олдида содир бўлган.

Жанжал натижасида, бир нафар фуқарога пичоқ воситасида кесилган, санчилган тан жароҳати етказилган. Мазкур ҳолат юзасидан айбни оғирлаштирувчи ҳолатларда безорилик оқибатида одам ўлдиришга қасд қилиш, яъни Ўзбекистон Республикаси Жиноят кодексининг 25 ва 97-моддаси 2-қисми “л” банди билан жиноят иши қўзғатилган.

Жиноят иши юзасидан икки нафар шахсга нисбатан қамоққа олиш эҳтиёт чораси қўлланилган.


Мақола муаллифи

Теглар

жиноят Ўзбекистон Республикаси Жиноят кодекси оммавий муштлашув

Баҳолаганлар

275

Рейтинг

3

Мақолага баҳо беринг

Дўстларингиз билан улашинг