... 2018 йил – “Фаол тадбиркорлик, инновацион ғоялар ва технологияларни қўллаб-қувватлаш йили”
МЕНЮ
ONLINE TV

Россияда ишловчилар диққатига: Ўзбекистон ва Россия ўртасида меҳнат миграциясига оид Битим кучга кирди


19:12, 23.12.2017 Жамият
 12 653

Ҳужжат Россия ишлаш учун Ўзбекистон фуқароларини ташкилий асосда қабул қилиш ва жалб этиш бўйича томонларнинг ўзаро ҳамкорлиги тартиби ва шартларини белгилаб беради.

Ўзбекистон Республикаси Президенти Шавкат Мирзиёев жорий йил 5 апрелда Россияга амалга оширган давлат ташрифи чоғида Россия Федерацияси ҳудудида вақтинчалик меҳнат фаолиятини амалга ошириш учун Ўзбекистон Республикаси фуқароларини ташкилий асосда қабул қилиш ва жалб этиш тўғрисидаги ҳукуматлараро Битимни имзолаган эди. 21 декабрдан бошлаб мазкур ҳукуматлараро Битим кучга кирди. Бу ҳақда Ўзбекистон Республикаси Ташқи ишлар вазирлиги Матбуот хизмати хабар бермоқда.
 
Мазкур Битим ишчи кучи ҳаракатланиши жараёнини тартибга солиш ва уни ҳуқуқий жиҳатдан янада такомиллаштириш ҳамда Россия Федерацияси ҳудудида вақтинчалик меҳнат фаолиятини амалга ошираётган меҳнаткаш-мигрантларнинг ҳуқуқ ва қонуний манфатлари ҳимоя қилинишини таъминлаш заруриятидан келиб чиққан ҳолда ишлаб чиқилган.
 
Ҳужжат Россия ҳудудида вақтинчалик меҳнат фаолиятини амалга ошириш учун Ўзбекистон фуқароларини ташкилий асосда қабул қилиш ва жалб этиш бўйича томонларнинг ўзаро ҳамкорлиги тартиби ва шартларини белгилаб беради ҳамда қуйидагилар орқали меҳнат миграцияси соҳасидаги халқаро эътироф этилган ҳамкорлик шаклларини ўрнатишни кўзда тутади:
 
- меҳнат ресурсларига реал эҳтиёждан келиб чиққан ҳолда,  юборилаётган ишчиларнинг сони,  уларнинг мутахассислиги ва қабул қилувчи минтақани аниқлаш;
 
- Россиянинг ваколатли органлари томонидан меҳнат мигрантларига энг кам иш ҳақи талабларига риоя этиш,  муносиб турмуш шароитларини яратиш,  тиббий ва ижтимоий суғурта билан таъминлаш бўйича мустаҳкам ҳуқуқий кафолат тақдим этадиган тартибни жорий қилиш.
 
Битимнинг тўлиқ матни билан www.lex.uz сайтида танишиш мумкин

Теглар:Ўзбекистон-Россия Миграция 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

qalampir.uz сайтини баҳоланг!

Барча сўровлар