Аудитор лицензияси қимматлашди

Жамият

image

Ўзбекистон Республикаси Вазирлар Маҳкамаси қарори билан аудиторлик фаолиятини лицензиялашнинг янги тартибини тасдиқлади. Бу ҳақда "Норма" хабар берди.

Янги тартибнинг қуйидаги жиҳатларига эътиборингизни қаратамиз:

биринчидан, лицензияни олиш ёки қайта расмийлаштириш учун аризада аудиторлик ташкилотининг электрон манзилини кўрсатиш мумкин. Бу ҳолда қабул қилинган қарор ҳақидаги хабарнома автоматлаштирилган тизим орқали электрон шаклда келади. Ҳужжатларни юридик шахснинг ЭРИ билан тасдиқлаб, электрон шаклда тақдим этиш мумкин;

иккинчидан, ариза берувчи тақдим этадиган ҳужжатлар пакети анча қисқарди. Энди меҳнат дафтарчалари (нусхаси олиниб, асли қайтарилади) ва асосий иш жойи бўйича штатдаги аудиторлар (камида тўрт нафар, таҳр.) ишга қабул қилинганлиги тўғрисидаги буйруқларнинг тасдиқланган нусхаларини илова қилишнинг ўзи кифоя;

учинчидан, лицензия берганлик учун давлат божи ЭКИҲнинг 4 бараваридан 10 бараваригача оширилди;

тўртинчидан, лицензиянинг амал қилишини тўхтатиб туришга сабаб бўлган ҳолатлар аудиторлик ташкилоти томонидан бартараф этилганидан кейин лицензияловчи орган ёки суд унинг амал қилишини тиклаш тўғрисида қарор қабул қиладиган муддат 10 кундан 3 кунгача қисқарди.

Жараённинг қолган жиҳатларига катта ўзгартиришлар киритилмади.


Мақола муаллифи

Теглар

қарор аудиторлик лицензия

Баҳолаганлар

8

Рейтинг

2.9

Мақолага баҳо беринг

Дўстларингиз билан улашинг