... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Роналду донорга айланди ва қон топширишни қолганларга ҳам тавсия қилмоқда


18:12, 12.10.2017 Спорт
 908

Португалиялик футболчи сўнгги йилларда “Abbott” тиббиёт компаниясининг “BeThe1Donor” дастури аъзосига айланганди.

Мадриднинг “Реал” клуби ҳамда Португалия терма жамоаси ҳимоячиси Криштиану Роналду қон плазмаси донорига айланди. Бу ҳақда футболчининг ўзи Instagram тармоғидаги саҳифаси орқали эълон қилди.
 
Роналду сўнгги йилларда “Abbott” тиббиёт компаниясининг “BeThe1Donor” дастури аъзосига айланганди. Мазкур дастур бутун дунёда қон ва қон плазмаси донорлари ҳаракатини бирлаштирган бўлиб, Роналду ҳам донорлар таркибига кирганини ўзининг сурати орқали тасдиқлади.
 
“Мотивация! Қўлимдаги қон плазмаси тўлдирилган пакетга бутун дунёда муҳтожлар сони қанчалигини яхши биламан. Улар қон плазмасига муҳтождирлар, “меҳрингизни” муҳтож одамларга улашинг ва имконият борлигида бир-бирингизга ёрдам қўлини чўзинг!”, дея ёзади Криштиану Роналду.
 
Қон плазмаси — қизил қон ҳужайралари, яъни эритроцитлар ҳамда оқ қон ҳужайралари, яъни лейкоцитлардан холи қилинган сарғиш суюқлик бўлиб, умумий қон ҳажмининг 55 фоизини ўз таркибида сақлай олади.
 
Шунингдек, плазма қон қуйиш вақтида қон ҳажмини қайта тиклаш, шунингдек, ўзининг хусусиятларига кўра бошқа “ёрдамчи суюқлик” вазифаларини ўтайди.
 
Роналду “BeThe1Donor” дастурига собиқ жамоадошининг бемор ўғли ва қолган муҳтожларга ёрдам бериш учун жиддий бел боғлаган. 32 ёшли футболчи бир йилда икки марта қон топширади ва қолганларни ҳам шу ишни ҳеч бўлмаса бир йилда амалга оширишга чорлаб қолди.
 
Эслатиб ўтамиз, аввалроқ Криштиану Роналду 2013 йилда қўлга киритган “Олтин тўп”ини аукционда 600 минг еврога сотиб, савдодан келган барча пулни бутун дунёдаги аҳволи оғир, хаста болаларнинг соғайиб кетиши учун йўналтирганди.
 
Шунингдек, “Олтин тўп” соврининг тўрт карра соҳиби бир неча йилдан буён юрак раки хасталигидан азият чекаётган польшалик Оливер Плусиенникнинг бир умрлик ҳомийсига айлангани ҳақида ҳам хабар бергандик.
Акмалхон Эшонхонов

Теглар:қон плазмаси Криштиану Роналду донорлик 

Дўстларингиз билан бўлишинг:


Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!