Роналду ахлоқсиз хатти-ҳаракати учун жазоланадиган бўлди
Спорт
−
29 Февраль
12213“Ал-Наср”нинг португалиялик ҳужумчиси Криштиану Роналду ўтган ҳафта ўйинда қилган одобсиз хатти-ҳаракати учун жаримага тортилди ва бир ўйинга дисквалификация қилинди. Бу ҳақда Саудия Арабистони футбол федерацияси ўз баёнотида маълум қилди.
Жорий йилнинг 25 февраль куни “Ал-Наср” сафарда “Ал-Шабаб”ни мағлуб этди (3:2). Ўйинда ҳисобни очган Роналду финал ҳуштаги чалинганидан сўнг, кийим алмаштириш хонасига кетаётганда трибунадаги мухлисларга қараб ахлоқсиз ҳаракатни амалга оширди.
Роналдунинг одобсиз имо-ишораси ўйин давомида аргентиналик ҳужумчи Лионель Мессининг исмини бақириб айтган рақиб мухлисларига қаратилган. 26 февраль куни Саудия футбол федерацияси Криштианунинг қилган иши бўйича текширув бошлади.
Қайд этилишича, футболчи федерация тартиб-интизом қўмитаси регламентини бузгани учун 1 та ўйинга дисквалификация қилинган. Роналду шунингдек, 30 минг Саудия рияли (7,9 минг доллар), 20 минг (5,3 минг доллар) “Ал-Шабаб”га ва яна қўшимча 10 минг (2,6 минг доллар) миқдорида жарима тўлаши керак.
Таъкидлаш жоиз, бундай ҳолат Саудия Арабистонида португалиялик футболчи билан биринчи марта содир бўлмаяпти. 8 февраль куни “Ал-Ҳилол” – “Ал-Наср” (2:0) ўртоқлик учрашувидан сўнг майдондан чиқаётиб Роналду мухлислар футболчига қарата улоқтирган “Ал-Ҳилол” шарфини қўлига олиб, ахлоқсиз ҳаракатлар қилган. “Ал-Ҳилол” мухлислари ўйин давомида “Месси, Месси”, деб бақирган. Роналду бир неча бор трибунага қараб “Мен бу ерда ўйнаяпман, Месси эмас” деб жавоб қайтарган.
LiveБарчаси
07 Ноябрь 2023
07 Ноябрь 2023
07 Ноябрь 2023
07 Ноябрь 2023