Хитойда юк машинаси портлади. Қурбонлар сони ортиб бормоқда
Олам
−
14 Июнь 2020 10894
Кеча, 13 июнь куни Хитойнинг шарқидаги Тайчжоу шаҳри минтақасидаги (Чжэцзян провинцияси) автомагистралда бензинли юк машинаси портлади. Оқибатда ушбу портлашда 19 нафар киши ҳалок бўлди. Бу ҳақда бугун, 14 июнь куни “Sina” ахборот портали хабар бермоқда.
Агентлик берган маълумотларга кўра, ҳозирда 172 киши турли даражада тан жароҳати олган. Уларнинг барчаси шифохоналарга жойлаштирилган.
Аввалроқ, туман полиция бошқармаси воқеада 18 қурбон ва 166 киши жароҳат олгани ҳақида хабар берди. Портлаш тўлқини яқин атрофдаги уйлар ва битта корхонага зарар етказган.
