... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Путин ва Меркель телефон орқали суҳбатлашди


12:59, 14.12.2016 Олам
 1 460

Суҳбат давомида Владимир Путин Германия канцлерига Сурия ҳудудидаги, хусусан, Алепподаги террорчилардан озод бўлган тинч аҳолига инсонпарварлик ёрдамини кўрсатиши ҳақида айтган.

13 декабрь куни Россия  президенти Владимир Путин ва Германия канцлери Ангела Меркель телефон орқали суҳбатлашди. Суҳбат чоғида Россиянинг Украина орқали Европага газ етказиб бериши ва Суриядаги воқеалар муҳокама қилинди. Бу ҳақда “Vesti.ru” сайти хабар берди.
 
Владимир Путин Германия канцлерига Сурия ҳудудидаги, хусусан, Алепподаги террорчилардан озод бўлган тинч аҳолига инсонпарварлик ёрдамини кўрсатиши ҳақида айтган. Бундан ташқари, Россия раҳбари Меркелни Украинанинг ички можароларини бартараф этиш учун Киев 2015 йил 12 февралдаги Минск шартномаларини бажариши бўйича саъй-ҳаракатларни жадаллаштиришга чақирди.
 
Шунинг учун, Путин Киев Донбасснинг аҳоли яшайдиган ҳудудларидаги  портлатишларни тўхтатиши кераклигини таъкидлади. Шунингдек, Путиннинг фикрича, Киев Шарққа нисбатан иқтисодий-ижтимоий чекловларни бекор қилиши ва Донецк ва Луганск вилоятлари билан музокара олиб бориши лозим.
 
Кремлнинг тасдиқлашича, телефон суҳбати Германиянинг ташаббуси билан уюштирилган.
 
Аввалроқ, Меркель Россияга қарши санкциялар муддатини чўзиши ҳақида маълум қилган эди. Санкцияларни бекор қилиш учун Украина бўйича Минск шартномасини бажарилиши кераклиги айтилмоқда.
Мухторбек Абдуллаев

Теглар:Владимир Путин Ангела Меркель Телефон суҳбати 

Дўстларингиз билан бўлишинг:


Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!