Путин газни рублда сотиш бўйича қарорида собит қолмоқда. Муддат белгиланди

Россия Президенти Владимир Путин 31 мартгача Вазирлар Маҳкамаси, Россия банки ва “Газпром” компаниясининг дўст бўлмаган мамлакатларга газ етказиб бериш учун тўлов валютасини рублга ўзгартириш ҳақидаги ҳисоботини кутмоқда. Бу ҳақда бугун, 28 март куни Кремль сайтида чоп этилган давлат раҳбарининг ҳукумат аъзолари билан учрашув якунлари бўйича топшириқлари рўйхатида айтилади. 

“Россия Федерацияси ҳукумати Россия банки ва “Газпром” очиқ акциядорлик жамияти билан биргаликда Европа Иттифоқи мамлакатлари ва бошқа мамлакатларга табиий газ етказиб бериш учун тўлов валютасини ўзгартириш бўйича чора-тадбирлар комплексини амалга оширсин. Россия Федерацияси фуқаролари ва Россия юридик шахсларига нисбатан Россия рублига нисбатан чеклов чоралари жорий этилди”, дейилади ҳужжатда. 

Президент 31 мартгача топшириқлар бўйича ҳисобот кутмоқда, ҳисобот кейинги ойларда ҳам анъанавий тус олади. Амалга ошириш учун масъул этиб Бош вазир Михаил Мишустин, Марказий банк раҳбари Эльвира Набиуллина ва “Газпром” раҳбари Алексей Миллер тайинланган. 

Шу билан бирга, ҳукумат "Газпром" ОАЖнинг газ етказиб бериш бўйича амалдаги шартномаларига улар учун тўлов валютасини Россия рублига ўзгартириш нуқтаи назаридан ўзгартиришлар киритиш тўғрисидаги директивани тасдиқлаши керак. Кўрсатмалар рўйхатига кўра,  бу 31 мартгача “шартномаларда белгиланган етказиб бериш ҳажмлари, нархлар ва нархларни белгилаш тамойиллари сақланиб қолган ҳолда” талаб қилинади. 

Бундан ташқари, Марказий банк Вазирлар Маҳкамаси билан биргаликда етказиб бериш учун тўловни рублда ўтказишга айлантирилган газ шартномалари бўйича тўловларни амалга ошириш, шу жумладан ички валюта бозорида энергия харидорлари томонидан Россия рублини сотиб олиш имкониятини таъминлаиши кўзда тутилган. Мазкур фармойишнинг ижро муддати ҳам 31 мартгача белгиланган.

Эслатиб ўтамиз, Россия Президенти Владимир Путин дўст бўлмаган мамлакатларга табиий газ етказиб бериш учун тўловларни рублда қабул қилишга кўрсатма берганди. Унга кўра, Россия томонининг эндиликда Европа Иттифоқи ва АҚШга маҳаллий товарларни доллар ва еврода етказиб беришидан маъно йўқ.

“Шунинг учун, МЕН дўст бўлмаган давлатларга етказиб берилаётган табиий газимиз учун тўловларни қисқа вақт ичида Россия рублига ўтказиш бўйича комплекс чора-тадбирларни амалга оширишга қарор қилдим”, дея таъкидлаган Путин.

Президентнинг қўшимча қилишича, Россиянинг дўст бўлмаган давлатлар билан газ ҳисоб-китоблари рублга айлантирилгач, хорижий истеъмолчилар зарур операцияларни амалга ошириш имкониятига эга бўлиши керак. Яъни газ сотиб олишни хоҳлаган давлат аввало Россиядан рубль олиши лозим.