Тошкент марказидаги “стоянка”лар ўрнига меҳмонхона қуриляпти

Жамият

−

10 Декабрь 2019 visibility4071

Тошкент шаҳрининг АмирТемур, Шаҳрисабз, Мустақиллик, Истиқлол кўчалари оралиғидаги автотураргоҳ ўрнига замонавий меҳмонхоналар қурилади. Бу ҳақда “Тошшаҳартрансхизмат” АЖ хабар бермоқда.
Қайд этилишича, меҳмонхона қурилиши муносабати билан баъзи жамоат транспортлари йўналишлари ўзгаради.

Жумладан, Истиқлол кўчасидаги автобуслар сўнгги бекатининг бир қисми ёпилади. Шу боис бу ердан ҳаракатланувчи 96- йўналиш автобуслари Тараққиёт, Амир Темур, Истиқлол кўчалари орқали сўнгги бекатгача келади. Қайтишда сўнгги бекатдан Истиқлол, Мустақиллик, Амир Темур кўчалари орқали ўз йўналишини давом эттиради.

53-йўналиш автобуслари эса тўғри йўналишдаги ҳаракатини А.Навоий кўчасидан, Шахрисабз, Мустақиллик, Истиқлол кўчалари орқали сўнгги бекатигача келади. Қайтишда эса Истиқлол, Амир Темур, А.Навоий кўчалари орқали ўз йўналишини давом эттиради.

Мақола муаллифи