...
МЕНЮ
ONLINE TV

Пенсия тўғрисидаги қонунга ўзгартишлар киритилади


10:21, 11.10.2018 Жамият
 15 194

Қонун лойиҳасидаги ўзгартиришлар билан қуйида танишинг.

Ўзбекистон Республикасининг “Фуқароларнинг давлат пенсия таъминоти тўғрисида” Қонунига ўзгартишлар киритиш тўғрисида”ги қонун лойиҳаси Норматив-ҳуқуқий ҳужжатлар лойиҳалари муҳокамаси порталига жойлаштирилди.
 
1-модда. Ўзбекистон Республикасининг 1993 йил 3 сентябрда қабул қилинган “Фуқароларнинг давлат пенсия таъминоти тўғрисида”ги 938-XII-сонли Қонунига (Ўзбекистон Республикаси Олий Кенгашининг Ахборотномаси, 1993 йил, № 9, 338-модда; Ўзбекистон Республикаси Олий Мажлисининг Ахборотномаси, 1995 йил, № 12, 269-модда; 1997 йил, № 4-5, 126-модда; 1998 йил, № 9, 181-модда; 1999 йил, № 5, 112-модда; 2001 йил, № 5, 89-модда; 2002 йил, № 4-5, 74-модда; Ўзбекистон Республикаси Олий Мажлиси палаталарининг Ахборотномаси, 2005 йил, № 5, 152-модда; 2007 йил, № 12, 590, 608-моддалар; 2008 йил, № 12, 640-модда; 2010 йил, № 5, 178-модда, № 9, 334-модда, № 12, 472-модда; 2012 йил, № 1, 4-модда; 2013 йил, № 10, 263-модда, 2014 йил, № 12, 341-модда, 2016 йил, № 4, 125-модда, № 12, 384-модда; 2018 йил, № 1, 6-модда) қуйидаги ўзгартишлар киритилсин:
 
1) 27-модданинг иккинчи қисмидаги ва 31-модданинг олтинчи қисмидаги “саккиз баробари” деган сўзлар “ўн баробари” деган сўзлар билан алмаштирилсин.
 
2) 32-модда матни қуйидаги таҳрирда баён этилади: “Пенсияни ҳисоблаб чиқариш учун олинадиган иш ҳақига, шунингдек иш ҳақининг натурал қисмига:
 
2019 йил 1 январга қадар – қонун ҳужжатларига мувофиқ суғурта бадаллари ҳисобланадиган меҳнатга ҳақ тўлаш тарзидаги барча даромадлар;
 
2019 йил 1 январдан кейинги давр учун - қонун ҳужжатларига мувофиқ ҳисобланадиган меҳнатга ҳақ тўлаш тарзидаги барча даромадлар қўшилади.
 
Давлат томонидан ижтимоий суғурталанмайдиган шахсларга пенсияни ҳисоблаб чиқариш учун олинадиган иш ҳақига қонун ҳужжатларига мувофиқ ҳисобланадиган меҳнатга ҳақ тўлаш тарзидаги даромадларга ўхшаш пул таъминотининг барча турлари қўшилади.
 
Ўқиш даврида тўланган стипендия пенсия сўраб мурожаат этган кишининг хоҳишига кўра иш ҳақига тенглаштирилади.
 
Иш вақтини ҳисобга олиб бўлмайдиган ходимларнинг (якка тартибдаги тадбиркор ва у томонидан ёлланган ходим, деҳқон хўжалиги аъзоси ва оилавий тадбиркорлик субъекти оила аъзоси) пенсиясини ҳисоблаб чиқариш учун олинадиган иш ҳақининг миқдори:
 
2019 йил 1 январга қадар – Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига тўланган суғурта бадалларининг;
 
2019 йил 1 январдан кейинги давр учун – қонун ҳужжатларига мувофиқ тўланган ягона ижтимоий тўлов миқдоридан келиб чиққан ҳолда аниқланади.”
 
3) 36-модданинг биринчи қисми қуйидаги таҳрирда баён этилади:
 
“Чет элда ёлланган ҳолда ишлаган Ўзбекистон Республикаси фуқароларининг пенсиясини ҳисоблаб чиқариш учун олинадиган иш ҳақи:
 
2019 йил 1 январга қадар – Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига тўланган суғурта бадалларининг;
 
2019 йил 1 январдан кейинги давр учун – қонун ҳужжатларига мувофиқ ягона ижтимоий тўлов миқдоридан келиб чиққан ҳолда аниқланади, ушбу модданинг иккинчи қисмида назарда тутилган ҳол бундан мустасно.”.
 
5) 37-модда биринчи қисмида:
 
а) “а” банди биринчи хатбошиси қуйидаги таҳрирда баён этилади:
 
“а) 2019 йил 1 январга қадар – фаолият тури, мулк ва хўжалик юритиш шаклларидан қатъи назар, ходим давлат томонидан ижтимоий суғурталанган ҳолда бажарган ҳар қандай иш, агар у Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига суғурта бадаллари тўлаган бўлса;
 
2019 йил 1 январдан кейинги давр учун – ходим томонидан бажарилган ҳар қандай иш учун меҳнатга ҳақ тўлаш тарзидаги даромадлар ҳисобланган бўлса.”;
 
б) “г” банди қуйидаги таҳрирда баён этилади:
 
“г) якка тартибдаги ва оилавий тадбиркорлик меҳнат фаолияти, шу жумладан шахсий ёрдамчи ва юридик шахс ташкил этмасдан деҳқон хўжалигидаги фаолият:
 
2019 йил 1 январга қадар – Ўзбекистон Республикаси Молия вазирлиги ҳузуридаги бюджетдан ташқари Пенсия жамғармасига суғурта бадаллари;
 
2019 йил 1 январдан кейинги давр учун – қонун ҳужжатларига мувофиқ ягона ижтимоий тўлов тўланган тақдирда;”.
 
2-модда. Ўзбекистон Республикаси Вазирлар Маҳкамаси:
 
ҳукумат қарорларини ушбу Қонунга мувофиқлаштиради;
 
давлат бошқаруви органлари ушбу Қонунга зид бўлган ўз норматив-ҳуқуқий ҳужжатларини қайта кўриб чиқишлари ва бекор қилишларини таъминлайди.
 
3-модда. Ўзбекистон Республикаси Молия вазирлиги Адлия вазирлиги билан биргаликда мазкур Қонуннинг ижросини, ижрочиларга етказилишини ва аҳоли ўртасида моҳияти ва аҳамиятини тушунтирилишини таъминлайди.
 
4-модда. Ушбу Қонун 2019 йилнинг 1 январидан эътиборан кучга киради.
Суннатилла Абдуллаев

Теглар:Пенсия Қонун 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Сиз қайси яхна ичимликларни ичасиз?

Барча сўровлар