...
МЕНЮ
ONLINE TV

Ўзбекистонлик мусобақа иштирокчилари Мадина шаҳрига жўнаб кетди


11:46, 03.10.2018 Жамият
 1 661

Улар Мадина шаҳридаги халқаро мусобақада иштирок этишади.

Аввалроқ, “Ўзбекистон Қуръон мусобақаси 2018” мутлақ ғолиби Йўлдошбек қори Нуриддинов Мадинадаги халқаро мусобақада иштирок этиши ҳақида хабар берган эдик.
 
Бугун, 3 октябрь куни, соат 08:20да Ўзбекистон вакиллари Мадина шаҳрида бўлиб ўтадиган нуфузли халқаро мусобақада иштирок этиш учун жўнаб кетди. Бу ҳақда Ўзбекистон Мусулмонлар идораси Матбуот хизмати хабар бермоқда.
 
Ушбу мусобақа Муҳаммад соллаллоҳу алайҳи ва салламнинг масжидларида 40 йилдан бери илк бор ўтказилмоқда.
 
Ушбу нуфузли мусобақада Ўзбекистондан икки нафар иштирокчи ва бир нафар баҳоловчи ҳакам иштирок этади.
 
Улар:
- Тошкент Ислом институти “Таҳфизул-Қуръон” кафедраси мудири катта устоз Жаҳонгир қори Неъматов (баҳоловчи ҳакам);
 
- Тошкент Ислом институти талабаси, “Ўзбекистон Қуръон мусобақаси 2018” мутлақ ғолиби Йўлдошбек қори Нуриддинов (30 порани ёддан ўқиш йўналиши иштирокчиси);
 
- Кўкалдош ўрта махсус Ислом билим юрти талабаси Абдурраҳмон қори Сўфиев (15 порани ёддан ўқиш йўналиши иштирокчиси).
 
Маълумот учун, халқаро мусобақада 82 давлатдан 115 киши иштирок этади. Саудия расмий ОАВ берган маълумотга кўра, Қуръон ҳифзи, тиловати ва тафсири йўналишлари бўйича қирол Абдул Азиз танлови 26 муҳаррамда (6 октябрь) бошланиб, сафар ойининг биринчи кунигача (11 октябрь) давом этади.
 
Ўзбекистон вакилларининг иштирок этиш санаси қуръа ташлаш йўли билан аниқланади.
Суннатилла Абдуллаев

Теглар:Қуръон мусобақаси Йўлдошбек қори Нуриддинов 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!

Тавсия

Сўровлар

Қайси мобил оператор хизматидан фойдаланасиз?

Барча сўровлар