... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Ўзбекистон – Жанубий Корея учрашувининг бошланиш вақтига аниқлик киритилди


16:40, 21.07.2017 Спорт
 4 542

Шу куни Ўзбекистон терма жамоаси Тошкентда Жанубий Корея билан баҳс олиб боради.

Халқаро футбол федерацияси (ФИФА) ЖЧ-2018 саралаш босқичининг “А” гуруҳи 9-туридан ўрин олган Хитой – Ўзбекистон терма жамоаси учрашувининг бошланиш вақтини белгилаб бергани ҳақида хабар бергандик.
 
Бугун, 21 июль куни ФИФА ЖЧ-2018 саралаш босқичи “А” гуруҳи 10-туридан ўрин олган барча ўйинлар бир вақтда бошланиши ҳақида кўрсатма берди ва ҳар бир мамлакат ҳудудидан келиб чиққан ҳолда беллашув вақтларини белгилади.
 
“А” гуруҳи сўнгги тур учрашувлари шу йилнинг 5 сентябрь куни бўлиб ўтади. Ўзбекистон терма жамоаси Тошкентда Жанубий Корея билан баҳс олиб борса, Эрон ўз майдонида Сурияни қабул қилади. Хитой эса сафарда Қатар меҳмони бўлади. Барча ўйинлар Тошкент вақти билан 20:00 да старт олади.
 
ЖЧ-2018 саралаш босқичининг “B” гуруҳида эса ўйинлар бир вақтда бошланмайди. Ироқ ва БАА нейтрал майдон – Эронда ўйнаши ҳамда Австралиянинг ноқулай вақт ҳудуди ушбу гуруҳдаги ўйинларнинг бир вақтда бошланишига имкон бермади.
 
Маълумот ўрнида, Ўзбекистон терма жамоаси ЖЧ-2018 саралаш босқичи 8-туридан кейин 12 очко тўплаб, тўғридан-тўғри қўлга киритилиши мумкин бўлган ягона йўлланма учун курашда 2-ўриндаги Жанубий Кореядан 1 очкога ортда қолмоқда.
Акмал Эшонхонов

Теглар:Ўзбекистон терма жамоаси Жанубий Корея ФИФА 

Дўстларингиз билан бўлишинг:


Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!