Афғонистондаги ибодатхонага ҳужум қурбонлари 25 нафарга етди
Олам
−
26 Март 2020 6651
Аввалроқ, Афғонистон пойтахти Кобул шаҳридаги сикхлар ибодатхонасида бомба портлатилгани ҳақида хабар берган эдик.
Кобулдаги сикхлар ибодатхонасига жангарилар томонидан уюштирилган ҳужум оқибатида вафот этганлар сони 25 кишига етди. Портлашда саккиз киши жабрланди, деб хабар бермоқда “Tolo News” телеканали.
Камида 80 нафар фуқаро қутқарилган, улар орасида аёллар ва ёш болалар ҳам бўлган, дейилган Афғонистон Ички ишлар вазирлиги баёнотида.
Воқеа жойида полиция ходимлари назорат ўрнатган. Ҳужум уюштирганларнинг барчаси йўқ қилинган.
Мамлакатнинг 1TV News телеканали уюштирилган ҳужумга жавобгарликни ИШИД террорчилик ташкилоти (Ўзбекистонда таъқиқланган) ўз зиммасига олганини маълум қилди.
Live
Барчаси
