Миржалол Қосимов “Барса” афсоналарига қарши майдонга тушади
Спорт
−
16 Август 2023 14535
Ўзбекистонлик таниқли собиқ футболчи Миржалол Қосимов “Барселона” ва Марказий Осиё футбол афсоналари ўртасидаги ўртоқлик учрашувида иштирок этади. Бу ҳақда Испания клуби матбуот хизмати хабар берди.
Қайд этилишича, жорий йилнинг 30 август куни Қирғизистоннинг Бишкек шаҳрида Марказий Осиёнинг таниқли собиқ футболчилари ва Испаниянинг “Барселона” клуби афсоналари ўртоқлик учрашувида майдонга тушади.
Ушбу баҳсда “Барса”нинг собиқ футболчилари: Роналдиньо, Ривалдо, Карлес Пуёл, Хавер Савиола, Роналд де Бур, Жулиано Белетти, Франческо Кокулар ва бошқалар иштирок этди.
“Осиё афсоналари” таркибида эса Миржалол Қосимов, Ҳидетоши Наката, Андрей Канчелскис, Муҳсин Муҳаммадиев ва бошқалар майдонга тушади.
Шунингдек, учрашувни FIFA'нинг энг яхши собиқ ҳакамларидан бири ва жаҳон чемпионатлари тарихида бош ҳакам сифатида ўтказилган ўйинлар сони бўйича рекорд (11 та) натижа қайд этган ўзбекистонлик Равшан Эрматов бошқариб боради.
Live
Барчаси
