Адлия вазирига янги ўринбосар тайинланди

Жамият

image

Ўзбекистон Республикаси Президенти Шавкат Мирзиёев имзолаган фармонга мувофиқ Тўлқин Сайфуллаевич Абдусаттаров Адлия вазирининг ўринбосари – Интеллектуал мулк агентлиги директори этиб тайинланди.

Тўлқин Абдусаттаров 1978 йилда Жиззах вилоятида туғилган, маълумоти олий, 1999 йилда Самарқанд давлат университетини, 2003 йилда Жаҳон иқтисодиёти ва дипломатия университетини, 2007 йилда Ўзбекистон миллий университетини тамомлаган, мутахассислиги ҳуқуқшунос.

У ўз меҳнат фаолиятини 2003 йилда Ўзбекистон Республикаси Фанлар академияси фалсафа ва ҳуқуқ институти кичик илмий ходими лавозимидан бошлаган.

2019 йил март ойидан Ўзбекистон Республикаси Олий Мажлиси Қонунчилик палатаси Коррупцияга қарши курашиш ва суд-ҳуқуқ масалалари қўмитасининг раиси лавозимида фаолият юритган.

Эслатиб ўтамиз, Ўзбекистон Республикаси Президент фармонига биноан Олий Мажлиc Қонунчилик палатаси депутати Раҳимжон Ҳакимов ҳам Адлия вазири ўринбосари – Тошкент давлат юридик университети ректори лавозимига тайинланган эди. 


Мақола муаллифи

Теглар

Адлия вазирлиги

Баҳолаганлар

31

Рейтинг

2.9

Мақолага баҳо беринг

Дўстларингиз билан улашинг