Юнусобод туманида иссиқлик таъминоти узилди
Жамият
−
23 Январь 2020 5998
Бугун, 23 январь куни Тошкен шаҳар Юнусобод тумани Уч қаҳрамон ва Юнус ота кўчаларидан ўтган иссиқлик қувурларида носозлик юзага келди. Бу ҳақда Тошкент шаҳар ҳокимлиги Матбуот хизмати маълум қилди.
Натижада Юнусобод туманининг 9 та мавзеси иссиқ сув ва иссиқлик энергиясидан узилиб қолди.
“Юнусобод-7, 8, 9, 10, 12, 15, 16, 18, 19 мавзеларида истиқомат қилувчи истеъмолчилар вақтинчалик иссиқ сув ва иссиқлик энергиясидан узилди”, дейилади ҳокимлик хабарида.
Қайд этилишича, ҳозирда носозликни тезкор равишда бартараф этиш ишларига зарур маҳсус техника ва мутахассислар жалб қилинган. Умид қиламизки, иссиқлик таъминоти мазкур ҳудудларда тез орада тикланади.
