...
МЕНЮ
ONLINE TV

Лола Каримова яна бир ютуқли сўровномани эълон қилди


14:12, 15.12.2017 Жамият
 6 723

Каримованинг навбатдаги саволларига ҳам бирин-кетин жавоб берувчилар топилмоқда.

Аввалроқ, тошкентлик Муҳсинбек Жўрабеков Лола Каримова-Тилляевадан iPhone Xютиб олгани ҳақида хабар берган эдик.
 
Ўзбекистон Республикасининг Биринчи Президенти Ислом Абдуғаниевич Каримовнинг кенжа қизи, “Сен ёлғиз эмассан” хайрия жамғармаси васийлик кенгаши раиси, Ўзбекистоннинг ЮНЕСКОдаги доимий вакили, Ислом Каримов номидаги Республика хайрия жамоат фонди васийлик кенгаши раиси Лола Каримова-Тилляева яна бир совринли сўровномани ташкил этди. Ғолибга эса бу сафар Beats қулоқчинлари ваъда қилинди.
 
“Мана, Янги йил кириб келишига ҳам саноқли кунлар қолди. Шундай байрам арафасида мен юртимиз тарихи, маданияти, санъати ва урф-одатларига оид ўзимнинг интеллектуал викторинамни давом эттираман. Навбатдаги викторинамизда Beats қулоқчинлари ўйналади. Саволларга биринчи бўлиб тўғри жавоб берган иштирокчи ушбу замонавий аксессуар эгасига айланади.
 
Биз бугун биринчи ўзбек аёл рассоми Шамсирўй Ҳасанова тўғрисида сўз олиб борамиз. Қисқа умр кўрганига қарамай, Шамсирўй Ҳасанова XX аср ўзбек рассомлик санъатида ўзининг ёрқин изини қолдирди. У ўз санъат асарларида Шарқ санъати тарихида катта аҳамият касб этган буюк аёллар сиймосини тасвирлаган”, деб ёзади Лола Каримова-Тилляева.
 
Каримованинг навбатдаги саволларига ҳам бирин-кетин жавоб берувчилар топилмоқда. Саволлар эса қуйидагича:
 
1-савол: Шамсирўй Ҳасанованинг Шарқ шоираларига бағишлаб ишлаган асарлари номларини санаб ўтинг.
 
2-савол: Шамсирўй Ҳасанова 1930-йилларнинг ўрталарида қаерда ва кимнинг қўлида таълим олган?
3-савол: Шамсирўй Ҳасанованинг умр йўлдоши ким бўлган?
 
Ушбу саволларнинг жавобини билсангиз, Лола Каримова-Тилляеванинг Instagram’даги саҳифасига жойлаштирилган сўнгги сурат остига ёзиб қолдиришингиз мумкин. 
 

Теглар:Лола Каримова-Тилляева Сўровнома 

Дўстларингиз билан бўлишинг:



Ўхшаш мақолалар


Изоҳлар




Изоҳлар

Расулов Абдулла Парманович
16:45 15.12.2017

1. 1917 йили Тошкентда таваллуд топган Шамсирўй Ҳасанованинг “Боғбон қиз”, “Қашқар шоираси Мутриба”, “Зебунисо”, “Нодирабегим” каби асарларида бой маънавий меросимиз ва қадриятларимиз ёрқин бўёқларда тасвирланган. 2. У Тошкентда машҳур рассомлар А. Волков, П. Беньков ва П. Ган кабилардан тасвирий санъат асосларини чуқур ўрганди. Кейинроқ таниқли рассом В. Рождественский ва М. Шемякинлардан шу соҳа бўйича катта билимга эга бўлди. 3. Шамсрўй Ҳасанованинг турмуш ўртоғи ХХ асрнинг йирик рассоми Чингиз Ахмаров



Биринчи бўлиб ўз фикрингизни қолдиринг!

Тавсия

Сўровлар

Қайси мобил оператор хизматидан фойдаланасиз?

Барча сўровлар