Кураш бўйича 2023 йилнинг энг яхшилари аниқланди

Халқаро Кураш ассоциацияси (IKA) томонидан турли номинацияларда 2023 йилнинг энг яхшилари эълон қилинди.

Унга кўра, ўзбекистонлик спортчи Муҳсин Ҳисомиддинов йилнинг энг яхши эркак курашчиси деб топилди. Бу борада аёллар ўртасида соврин доминиканлик Аудрей Арелисга насиб этди.

Туркманистонлик мутахассис Дўрдқўли Теженов йилнинг энг яхши эркак мураббий, хитойлик Ху Юҳуа эса энг аёл мураббий дея эътироф этилди.

Ўзбекистон учун яна бир эътиборли жиҳат шундаки, Ёшлар сиёсати ва спорт вазири Адҳам Икромов йилнинг энг яхши кураш промоутери совринига сазовор бўлди. Шунингдек, бир нечта номинацияларда ғолиблар аниқланди.

• Йилнинг энг яхши эркак курашчиси –Муҳсин Ҳисомиддинов - +100 кг, Ўзбекистон;
• Йилнинг энг яхши аёл курашчиси– Аудрей Арелис - +87 кг, Доминикан;
• Йилнинг энг яхши эркак мураббийи– Дўрдқўли Теженов - Туркманистон;
• Йилнинг энг яхши аёл мураббийи – Ху Юҳуа – Хитой;
• Йилнинг энг яхши эркак рефериси– Викрант Кумар – Ҳиндистон;
• Йилнинг энг яхши аёл рефериси – Танг Ваи Бунн - Малайзия;
• Йилнинг энг яхши миллий федерацияси –Туркманистон Кураш федерацияси;
• Йилнинг энг яхши конфедерацияси– Европа кураш конфедерацияси;
• Йилнинг энг яхши кураш техникаси– Басел Валаа Элдеэб - Миср;
• Йилнинг энг яхши кураш промоутери – Адҳам Икрамов;
• Йилнинг энг яхши ютуғи– World Series Pro халқаро турнири;
• Йилнинг энг яхши кураш мусобақаси– Кураш бўйича катталар ўртасида Жаҳон чемпионати.