...
МЕНЮ
ONLINE TV

Кимларга бензин сотиб олиш учун давлат томонидан компенсация берилиши керак?


11:37, 05.11.2018 Бу қизиқ
 4 541

Компенсацияни тайинлаш учун пенсиялар ва нафақаларни тайинлайдиган органларга айрим ҳужжатларни топшириш керак.

Қонунчиликка мувофиқ, бир қатор шахсларга автомобиль бензини сотиб олишга харажатларнинг бир қисми учун ойлик пул компенсацияси тўланади. Жорий йилнинг 16 ноябрдан компенсация миқдори 66 минг 700 сўмни ташкил этади.
 
“Ҳуқуқий ахборот” компенсация олиш ҳуқуқига эга шахслар рўйхатини эълон қилди.


 
  • уруш қатнашчилари ва уларга тенглаштирилган шахслар
  • уруш фахрийлари ва уларга тенглаштирилган шахслар;
  • меҳнатда майиб бўлиш ва касб касаллиги туфайли I ва II гуруҳ ногиронлари;
  • I ва II гуруҳ болаликдан ногиронлар.
 
Компенсацияни тайинлаш учун пенсиялар ва нафақаларни тайинлайдиган органларга қуйидаги ҳужжатлар тақдим этилади:
 
  • ариза;
  • паспорт нусхаси;
  • имтиёзга бўлган ҳуқуқлар тўғрисидаги гувоҳномалар нусхалари (уруш қатнашчилари ва ногиронлари ҳамда уларга тенглаштирилган шахслар учун);
  • тиббий-меҳнат эксперт комиссияларининг маълумотномалари нусхалари (меҳнатда майиб бўлиш, касб касаллиги туфайли ногиронлар ва болаликдан ногиронлар учун);
  • автомототранспортнинг техник паспорти нусхаси;
  • ҳайдовчилик гувоҳномаси нусхаси ёки Иккинчи жаҳон уруши ногирони билан доимий бирга яшайдиган ва у билан бир турар жой майдонида рўйхатдан ўтган оила аъзосининг ҳайдовчилик гувоҳномаси, паспорти нусхалари ва у томонидан автомототранспорт воситасидан фойдаланиш ҳуқуқига ишончнома.
 
Эслатиб ўтамиз, Ўзбекистон Республикаси Вазирлар Маҳкамасининг “Ёқилғи-энергетика ресурслари нархларининг ва тарифларининг босқичма-босқич ўзгариши тўғрисида”ги қарорига мувофиқ 16 ноябрдан бошлаб ёғилгига қуйидаги нархлар амал қилади.
 
  • AI-80 автобензинга – 4 000 сўм/литр;
  • AI-91 автобензинга – 4 500 сўм/литр;
  • Дизель ёқилғисига – 4 800 сўм/литр;
ЭКО дизель ёқилғисига – 4 900 сўм/литр этиб  белгиланди.

Теглар:Бензин Дизель 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!