Уханда ташлаб кетилган Қозоғистон фуқароси ўзбекистонликлар билан Тошкентга келди

north_east

Пекиндан қайтган 250 нафар фуқарода коронавирус аниқланмади

Ўзбекистон Уханда қолиб кетган қозоғистонлик талабани эвакуация қилди. Бу ҳақда талабанинг онаси Sputnik Қозоғистон нашрига маълум қилди.

“Менинг ўғлимни бугун Тошкентга олиб кетишди. У аллақачон учиб кетган, ҳозир йўлда. Уни Ўзбекистон борти олиб кетди. Уни қаерга жойлаштиришлари ҳақида маълумотга эга эмасмиз, асосийси, уни у ердан олиб кетишди. Қолганидан ҳозирча хабаримиз йўқ”, деган талабанинг онаси.

Қайд этилишича, талаба Хитойнинг Ухань шаҳрида қолиб кетган, чунки унинг ватандошларини эвакуация қилишаётганда, унинг ҳарорати кўтарилган. Онасининг сўзларига кўра, у кейинроқ ўзини яхши ҳис қилган ва касаллик аломатлари бўлмаган.

Талаба қозоғистонлик талабалар гуруҳини назорат қилган ва уларга Ухандан кетиш вақтида ёрдам берган. Ватанга қайтганларнинг ота-онаси Президент номига Уханда қолиб кетган талабага ёрдам кўрсатишни сўраб мурожаат қилишган.

Эслатиб ўтамиз, Ўзбекистон кеча, 4 февраль куни 250 нафар, бугун, 5 февраль куни эса 84 нафар фуқаросини Хитойдан олиб келган эди. Хитойдан олиб келинганлар махсус тиббиёт муассасасига жойлаштирилади ва 14 кун давомида карантинда бўлишади. Уларнинг ота-оналари билан учрашиши тақиқланади.

Қозоғистон жорий йилнинг 2 февраль куни Ухандаги 80 нафар фуқаросини эвакуация қилган эди.