22 ёшли ўзбекистонлик йигит қурилишда ҳалок бўлди
Жамият
−
25 Июнь 2019 6303
Жорий йилнинг 23 июнь куни Россия Федерациясининг Узоқ Шарқ минтақасида юз берган бахтсиз ҳодисада ўзбекистонлик 22 ёшли йигит ҳалок бўлди. Бу ҳақда Ўзбекистон ташқи ишлар вазирлиги Матбуот хизмати хабар берди.
РФнинг Приморье ўлкасида қурилиш объектидаги бахтсиз ҳодиса туфайли 1997 йил 23 февралда туғилган Ўзбекистон фуқароси Зиёдилла Шуҳрат ўғли Кунузоқов қурбон бўлган. Зиёдилла Кунузоқов ушбу ҳудудда 2018 йил июнь ойидан буён қонуний равишда яшаб келган ва кранчи бўлиб ишлаган.
Қайд этилишича, айни пайтда Бош консулхона Ўзбекистон Бандлик ва меҳнат муносабатлари вазирлиги ҳузуридаги Ташқи меҳнат миграцияси масалалари агентлигининг Москва шаҳридаги ваколатхонаси билан биргаликда марҳумнинг жасадини ватанга олиб келиш масаласи билан шуғулланмоқда.
Live
Барчаси