... 2018 йил – “Фаол тадбиркорлик, инновацион ғоялар ва технологияларни қўллаб-қувватлаш йили”
МЕНЮ
ONLINE TV

Фотожамланма: Совуқни енгиб ўтган хитойлик бола 450 минг доллар ишлади


11:19, 29.01.2018 Олам
 15 669

Ижтимоий тармоқларда болакайни – “Ice Boy”, яъни “Муз бола” деб аташган.

Саккиз ёшли хитойлик мактаб ўқувчиси Ванг Фуман қаттиқ совуқни енгиб ўтиб машҳур бўлиб кетди.


 
Ванг Фуман Хитой шимолида жойлашган Синьцзе номли кичик қишлоқда яшайди. У ҳар куни мактабга бориш учун 5 км масофани пиёда босиб ўтиши керак.






 
Жорий йил 8 январь куни эрталаб кескин совуқ тушган ва ҳаво ҳарорати -9 даражагача совиб кетган. Устига устак, унинг иссиқроқ курткаси ҳам бўлмаган, лекин бу қийинчиликлар болакайни тўхтата олмаган, у барибир мактабга йўл олган.




 
Ванг Фуман эгнидаги юпқа пальтоси билан совуқ ҳавода бир соат давомида пиёда юриб мактабига борди. У синфга кирганда сочлари ва қошларида узун-узун муз бўлаклари қотиб қолган бўлган. Юзи эса совуқдан оловдек қип-қизариб кетган эди.




 
Фуманнинг ўқитувчиси мактаб директори Фу Хэнга болакайнинг аҳволини кўрсатган. У болакайни кўриб  кўзига ишонмаган. Мактаб директори ва ўқитувчи болакайни шу кўринишда суратга олиб ижтимоий тармоққа жойлаштирган. Сурат бир зумда оммалашиб кетган.


 
Натижада, нафақат Хитой, балки дунёнинг барча нуқталаридан болага ёрдам беришни истайдиганлар пайдо бўлган. Ижтимоий тармоқларда болакайни – “Ice Boy”, яъни “Муз бола” деб аташган.
 
Мактаб директорининг маълумот беришича, болакай бувиси ва опаси билан жуда оғир шароитда яшайди, лекин ўқишда жуда тиришқоқ, чунки у ўз турмуш шароитини фақат илм олиш билан яхшилашига ишонади.




 
Тез орада бутун дунёдан болакай ўқийдиган мактабга 15 000 доллар хайрия пули келиб тушган. Унга 20 та иситгич ва 144 жуфт иссиқ кийим бош сотиб олинган. Аммо бу хайрия ижтимоий тармоқларга хитойликларнинг эътирозларига сабаб бўлди.
 
Ушбу воқедан бироз ўтиб, болакайни Пекинга таклиф қилишган. У ерда Вангни катта эҳтиром билан кутиб олишган ва унинг шарафига хайрия тадбири ташкиллаштирилган. Болакай телеканаллар орқали ўзи бошидан кечирган воқеани сўзлаб берган. Шундан сўнг салкам 3 миллионга юан (450 000 $)га яқин хайрия пули жамланган.
 


Хабарда айтилишига кўра, ушбу маблағ болакай яшаб турган тумандаги барча мактабларни иссиқлик билан таъминлашга етади.

Келажакда полиция ходими бўлишни орзу қилган болакай учун полициячилар Пекин бўйлаб саёҳат ташкил этишган, полиция мотоциклига миндиришган, боғлар ва диққатга сазовор жойларга олиб боришган.








 
У самолёт ва поездга илк бор минган, лекин болакайнинг айтишига қараганда, унда энг катта таасурот қолдирган нарса, бу – Пекиндаги уйларнинг иссиқлиги бўлган.
 
“Бу ерда уйлар шунчалик иссиқ эканки, бир қават кийимда ухлаш мумкин. Биз уйимизни иситиш учун кўмир ёқамиз ва бир неча қават кийим кийиб ётамиз”, деган болакай журналистларга.




 
Болакайнинг мухлислари эса, унинг тиришқоқлигига қойил қолиб, у келажакда албатта муваффақиятга эришишига ишонишмоқда.

Икром Раҳмон

Теглар:Ванг Фуман Муз бола Хитой 

Дўстларингиз билан бўлишинг:



Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!