... 2017 йил – “Халқ билан мулоқот ва инсон манфаатлари йили”
МЕНЮ
ONLINE TV

Фазлиддин Ғойибназаров профессионал боксдаги иккинчи жангини ўтказади


16:55, 19.05.2017 Спорт
 4 907

Бугун боксчиларнинг жанг олдидан вазн ўлчаш маросими бўлиб ўтади.

Рио Олимпиадаси совриндори Фазлиддин Ғойибназаров 21 май, якшанба куни тонгда АҚШнинг Нью-Йорк шаҳридаги дунёга машҳур “Мэдисон Сквер Гарден” аренасида профессионал боксдаги иккинчи жангини ўтказади. Ғойибназаровнинг рақиби америкалик Агустин Маурас бўлади.
 
1990 йилда туғилган боксчи шу кунгача профессионал боксда 11 та жанг ўтказган. Мазкур жанглардан 6 тасида ғалаба қозонган Агустин 2 бор мағлуб бўлган. Уч маротаба эса унинг иштирокидаги жангда ғолиб аниқланмаган.
 
Бугун боксчилар анъанага кўра, тарозидан ўтиш маросимида иштирок этишади. Нью-Йоркдаги бокс оқшомининг марказий жанги америкалик икки йўналиш чемпиони Теренс Кроуфорд иштирокида бўлиб ўтади.
 
Эслатиб ўтамиз, Фазлиддин Ғойибназаров АҚШнинг Калифорния штати Карсон шаҳридаги StubHub Center аренасида бўлиб ўтган илк жангида америкалик Виктор Васкесни иккинчи раунддаёқ техник нокаутга учратган эди.
Акмал Эшонхонов

Теглар:Фазлиддин Ғойибназаров Бокс АҚШ Нью-Йорк 

Дўстларингиз билан бўлишинг:


Ўхшаш мақолалар


Изоҳлар




Изоҳлар


Биринчи бўлиб ўз фикрингизни қолдиринг!