Эрдўған АҚШда Байден билан нимани гаплашиши маълум бўлди

Олам

−

06 Апрель visibility6616

Туркия Президенти Ражаб Тойиб Эрдўған АҚШ раҳбари Жо Байден билан жорий йилнинг май ойи бошига мўлжалланган АҚШга ташрифи чоғида Украина инқирози ва Ғазо сектори атрофидаги вазиятни муҳокама қилади. Бу ҳақда Туркия Ташқи ишлар вазири Ҳоқон Фидан 5 апрель куни Брюсселдаги баёнотида маълум қилди.

Унинг сўзларига кўра, ўзаро музокаралар давомида икки томонлама ва минтақавий ҳамкорликка алоҳида эътибор қаратилади. Ғазо ва Украина инқирози масаласи кун тартибидаги асосий мавзу бўлади.

"Бу икки уруш минтақамизга таъсир қилади, глобал инқирозни қўзғатади ва бошқа хавф зоналарини яратади. Президентимиз бундан буён ҳам ушбу муаммоларга эътибор қаратади ва бунга бефарқ эмаслигимизни кўрсатади", деган Фидан.

Эслатиб ўтамиз, аввалроқ Туркия Президенти Ражаб Тойиб Эрдўған 9 май куни АҚШга бориб, у ерда америкалик мавқедоши Жо Байден билан музокаралар ўтказиши кутилаётгани ҳақида хабар берган эдик.

Мақола муаллифи

Абдураҳмон Эргашев

Теглар

Ражаб Тойиб Эрдўған Жо Байден муҳокама

Баҳолаганлар

Рейтинг

Мақолага баҳо беринг

5 stars 4 stars 3 stars 2 stars 1 stars

Дўстларингиз билан улашинг

online_predictionLive

Барчасиcall_made

Сирдарё вилояти ҳокимига янги ўринбосар тайинланди

Мирзаев Акмал Арзиевич - Сирдарё вилояти ҳокимининг қишлоқ ва сув хўжалиги масалалари бўйича ўринбосари этиб тайинланди.